የባንኩ ባለአክስዮኖች 4ኛ ዓመታዊ መደበኛ ጠቅላላ ጉባኤ ላይ የአማራ ባንክ ዋና ስራ አስፈፃሚ ዮሐንስ አያሌው (ዶ/ር) እንደገለጹት ባንኩ በ2017በጀት ዓመት ከታክስ በፊት 655 ሚሊዮን ብር ትርፍ አስመዝግቧል፡፡
ይህም ካለፈው ዓመት ተመሳሳይ ወቅት ጋር ሲነፃፀር የ85 በመቶ ብልጫ ያለው ትርፍ እንደሆነ ገልጸዋል።
ባንኩ በ2017 በጀት ዓመት አጠቃላይ የተቀማጭ ገንዘብ መጠኑን በ26 በመቶ በማሳደግ ወደ 31.5 ቢሊዮን ብር ከፍ ማድረጉ ተጠቁሟል።
የባንኩ አጠቃላይ ገቢ በ29 በመቶ በማሳደን ወደ 5.6 ቢሊዮን ብር መጨመር መቻሉንም ነው ዋና ሥራ አስፈፃሚው ያስታወቁት።
ባንኩ ጠቅላላ ሀብት 43 ነጥብ 4 ቢሊዮን ብር የደረሰ ሲሆን፣ ከአምናው ተመሳሳይ ወቅት ጋር ሲነፃፀ የ23.2 በመቶ ጭማሪ ማሳያት ችሏል፡፡
የባንኩ የብድር ክምችት በተጠናቀቀው በጀት ዓመት በ29 በመቶ በማሳደግ ወደ 25.5 ቢሊዮን ብር ማሳደግ እንደተቻለ አስታውቀዋል፡፡


