የኢትዮጵያ ብሔራዊ ባንክ ከወርቅ አቅራቢዎች በሚረከበው ወርቅ ላይ የባዕድ ነገሮች መቀላቀል በስፋት መስተዋሉን ተከትሎ፣ የጥራት መለኪያ ዘዴውን ወደ ዘመናዊው የ«ስፔክትሮሜትር» ቴክኖሎጂ ለመቀየር መገደዱ ተዘገበ።
ባንኩ እስካሁን ይጠቀምባቸው የነበሩት የዴንሲቲ እና የእሳት ሙከራ ዘዴዎች በኬሚካል ተለውጠው የሚቀርቡ የውሸት ወርቆችን ለመለየት ክፍተት ነበረባቸው ተብሏል።
ይህ ችግር በስፋት የሚስተዋለው በትግራይ ክልል ሽሬ በሚገኘው የግዢ ጣቢያ ሲሆን፣ ባንኩ ችግሩን ለማጣራት ለበርካታ አቅራቢዎች የሚፈፅመውን ክፍያ ለወራት አግዶ እንደነበር ታውቋል።
እንደ ሪፖርተር ዘገባ ምንም እንኳን ይህ ፈተና ቢኖርም፣ ባለፉት አምስት ወራት ብቻ ከሽሬ ጣቢያ 19 ቶን ወርቅ የቀረበ ሲሆን ይህም ከፍተኛው የአቅርቦት መጠን ሆኖ ተመዝግቧል።@seco


