የኢትዮጵያ አርታዒያን ማህበር እንዳስታወቀው ማህበሩን በሊቀመንበርነት የሚመሩት አቶ ፍትህአወቅ የወንድወሰን የምስራቅ አፍሪካ አርታዒያን ሶሳይቲ (EAES) ፕሬዝዳንት ሆነው ተመርጠዋል።
እ.ኤ.አ. የካቲት 28 ቀን 2026 በናይሮቢ በአፍሪካ ሚዲያ ፌስቲቫል ማጠናቀቂያ ላይ በተካሄደው የምስራቅ አፍሪካ አርታዒያን ሶሳይቲ የአመራር ምርጫ ላይ አቶ ፍትህአወቅ የወንድወሰን በፕሬዝዳንትነት ወ/ሮ ዙቤይዳ ካኑ (ከኬንያ አርታዒያን ማህበር ) በምክትል ፕሬዝዳንትነት ተመርጠዋል፡፡

የአቶ ፍትህአወቅ በፕሬዝዳንትነት መመረጥ የኢትዮጵያ አርታዒያን ማህበር በቀጠናው ላይ ያለውን ተሰሚነት የሚያጎላ ሲሆን ፤ በእርሳቸው የስልጣን ዘመን ማህበራችን የቀጠናውን የሚዲያ ገጽታ ወደ ላቀ ደረጃ ለማድረስ እና ድንበር ተሻጋሪ የአርታኢያን ትብብሮችን ለማጎልበት ያለውን ቁርጠኝነት ለመግለፅ ይወዳል ሲል ማህበሩ አስታውቋል።
የምስራቅ አፍሪካ አርታዒያን ሶሳይቲ (EAES) በኬንያ ፣ ታንዛኒያ ፣ ዩጋንዳ ፣ ደቡብ ሱዳን እና ኢትዮጵያ የሚገኙ የአርታዒያን ማኅበራት ጥምረት ነው፡፡
አቶ ፍትህአወቅ የወንድወሰን የቅዳሜ ገበያ ባልደረባ እንደሆኑ ይታወቃል።@SECO

