ኢትዮጵያ በመጪዎቹ ሳምንታት የግምጃ ቤት ሰነዶች (ቲ-ቢል) እና የመንግሥት ቦንዶችን አሰጣጥ የሚገዛ አዲስ መመሪያ ልታወጣ እንደሆነ ተገለጸ። እርምጃው ብሔራዊ ባንክ ለመንግሥት ይሰጥ የነበረውን ቀጥታ ብድር ማቆሙን ተከትሎ፣ የበጀት ጉድለትን በሀገር ውስጥ የፋይናንስ ገበያ ለመሸፈን የተያዘው ማሻሻያ አካል መሆኑ ኢቲቢዝነስ ቪዉ ከምንጮቿ ያገኘችው መረጃ ያመለክታል።
የገንዘብ ሚኒስቴር እና ብሔራዊ ባንክ የሚያጸድቁት ይህ መመሪያ፣ የመንግሥት ሴኩሪቲዎች አሰጣጥን ግልጽ እና ሊተነበይ የሚችል የዕዳ ገበያን ለማጎልበት ያለመ ነው።
በ2019 ዓ.ም የመጀመሪያ ሩብ ዓመት ደግሞ የሪፖ ገበያ እንደሚጀመር ተጠቁሟል። ይህ አሰራር የፋይናንስ ተቋማት የመንግሥት ቦንዶችን እንደ መያዣ በመጠቀም የአጭር ጊዜ የገንዘብ እጥረት እንዲቀርፉ ያስችላቸዋል።
በበጀት ዓመቱ የተገመተውን 308.6 ቢሊዮን ብር የበጀት ጉድለት ለመሸፈን እነዚህ የገበያ መሳሪያዎች ወሳኝ ሚና ይጫወታሉ ተብሎ ይጠበቃል።SECO


