ዓባይ ባንክ በተጠናቀቀው የበጀት ዓመት 4 ነጥብ 2 ቢሊየን ብር በማትረፍ በታሪኩ ከፍተኛ የሆነ ስኬት ማስመዝገቡን አስታውቋል።
የባንኩ የባለአክስዮኖች 16ኛ መደበኛ እና 8ኛ አስቸኳይ ድንገተኛ ጉባዔ ላይ የባንኩ የዳይሬክተሮች ቦርድ ሰብሳቢ አምላኩ አስረስ (ዶ/ር) በተጠናቀቀው በጀት አመት ባንኩ የ4 ነጥብ 2 ቢሊዮን ብር ትርፍ ማስመዝገቡን ገልጸዋል።
የተመዘገበው ትርፍ ካለፈው ዓመት ጋር ሲነጻጸር የ116 በመቶ ጭማሪ እንዲሁም የጠቅላላ ገቢውን በ58 በመቶ ማሳደግ ችሏል ብለዋል፡፡
የባንኩ ተቀማጭ ገንዘብ ከባለፈው ዓመት በ36 ነጥብ 7 በመቶ በማደግ 71 ነጥብ 9 ቢሊዮን ብር መድረሱን ተናግረዋል፡፡
የባንኩ የተከፈለ ካፒታልም 7 ቢሊዮን ብር መድረሱን አስታውቀዋል።


