በኢትዮጵያ የፋይናንስ ኦዲት ዘርፍ ትኩረት አልተሰጠውም ተባለ
በሀገሪቱ 230 ብቻ የተመሰከረላቸው ሂሳብ አዋቂዎች እንዳሉ ተጠቁሟል
በኢትዮጵያ የአካውንቲንግና ኦዲቲንግ ቦርድ የተመሰከረል የሂሳብ አዋቂ የሆኑት አቶ ጥላሁን ግርማ እንደገለጹት በኢትዮጵያ ትላልቅ የመንግስትና የግል የፋይናንስ ተቋማት ቢገኙም የፋይናንስ ኦዲት ዘርፍ ትኩረት እንደተነፈገው ነው፡፡
በሀገሪቱ ከፍተኛ የኢኮኖሚ እንቅስቃሴ ቢኖርም የተመሰከረላቸው ሂሳብ አዋቂዎች ቁጥር 230 ብቻ እንደሆነ ተናግረዋል፡፡
ኢትዮጵያ እ.ኤ.አ. በ2014የአለም አቀፍ ሂሳብ አዘገጃጀትና አቀራረብ ስርዓት ብትቀበልም በሂሳብ አዘገጃጀትና አቀራረብ ላይ ተለምዶአዊ አሰራር ጎልቶ ይታያል ብለዋል፡፡
በኢትዮጵያ ያሉ የመንግስትና የግል ተቋማት ለዘርፉ ዝቅተኛ አመለካከት በመስጠት ባለሙያዎችን አቅም ሲያጎለብቱ እንዲሁም የፋይናንስ ተቋማታቸውን ሲያዘምኑ እንደማይታዩ ገልጸዋል፡፡
ተቋማት የፋይናንስ ተቋማቸው ማዘመን እና ለባለሙያዎች ሙያዊ ስልጠና እንዲሰጡ በህግ መገደድ እንዳለባቸው ተናግረዋል፡፡
የውጭ ባለሀብቶች ወደ አገር ውስጥ ሲገቡ ትኩረት ከሚያደርጉበትና ከሚመለከቱት ውስጥ የፋይናንስ ስርዓቱ ምን ያህል ግልጽና ወጥነት እንዳለው መሆኑን ጠቁመው የፋይናንስ ስራዓቱ ካልዘመነ በኢንቨስትመንት ላይ ጫናው ከፍተኛ እንደሆነ ገልጸዋል፡፡
የኢትዮጵያ አካውንቲንግና ኦዲት ቦርድ ወደ ስራ መግባቱ በዘርፋ ቀደም ሲል ይታዩ የነበሩ ክፍተቶችን ከመሙላቱ በተጨማሪ ሁለት አይነት ( ለባንክ የትርፍ፣ ለገቢዎች የኪሳራ ) ሪፖርት አቀራረብን ይቀርፋል ብለዋል፡፡
ቦርዱ ኢትዮጵያ የተቀበለቻቸውን አለም አቀፍ ህጎች መቆጣተርና ተግባራዊነቱን ማረጋገጥ እነንደሚጠበቅበት አቶ ጥላሁን ግርማ ለቅዳሜ ገበያ ተናግረዋል፡፡©SECO


