በ2ኛው የኢትዮጵያ ዲጂታል ክፍያ ኮንፈረንስ ላይ የዳሸን ባንክ ዋና ሥራ አስፈፃሚ አስፋው አለሙ ባንኩ ተጨማሪ 10 ቢሊዮን ብር መዋዕለ ንዋይ በማፍሰስ 50 ሺህ አርሶ አደሮችን ለመደገፍ ያለውን ቁርጠኝነት አስታውቀዋል።
“ዳሸን ባንክ ከዓለም አቀፉ የፋይናንስ ኮርፖሬሽን፣ “ለእርሻ” ከተሰኘ አገር በቀል ተቋም እንዲሁም ከሱፍሌት ማልት ጋር በአጋርነት የጀመረው አርሶ አደሮችን የሚደግፍ የሙከራ ፕሮጀክት ተስፋ ሰጪ ውጤቶችን አስመዝግቧል፡፡ ይህ ደግሞ በቀጣይ 50,000 ገበሬዎችን፣ 300 በሴቶች የሚመሩ ኢንተርፕራይዞችን እንዲሁም 10,000 ነጋዴዎችን በቀጣይ በዳሸን ሱፐር አፕ አገልግሎቶች ለማገዝ መንገድ ከፍቷል” ሲሉ አቶ አስፋው ተናግረዋል።
የዳሸን ሱፐር አፕ በተጀመረ አጭር ጊዜ ውስጥ ከአንድ ሚሊዮን በላይ ንቁ ተጠቃሚዎችን በተሳካ ሁኔታ ማፍራቱ ለባንኩ ትልቅ ተነሳሽነት መፍጠሩን ዋና ሥረሰ አስፈፃሚው አስታውቀዋል፡፡
ከዚህ ጋር ተያይዞም በአገር አቀፍ ደረጃ የኪው አር ኮድ መለያን በመጠቀም የሚደረግ አጠቃላይ እንቅስቃሴ ጥሩ ውጤት ቢገኝበትም ወደሚፈለገው ደረጃ እንዳልደረሰ ሊታመን ይገባል አቶ አስፋው፣ ነገር ግን በዲጂታል መንገድ የክፍያ ስርዓቱን ለመተካት የሚደረጉት ተግባራት ተስፋ ሰጪ መሆናቸው ገልፀዋል፡፡Seco


