ለበርካታ ዓመታት አገልግሎት መስጠት አቁሞ የቆየውን የጢስ ዓባይ 1 የኃይል ማመንጫ ጣቢያን ዳግም ወደ ሥራ ለመመለስ የጥገና ሥራዎች መጀመራቸውን የኢትዮጵያ ኤሌክትሪክ ኃይል አስታወቀ።
ጣቢያው ከአገልግሎት ውጭ ሆኖ የቆየው በመለዋወጫ ዕቃዎች እጥረት እና በከፍተኛ የደለል ክምችት ምክንያት መሆኑ ተገልጿል።
ተቋሙ እንዳስታወቀው፣ የጢስ ዓባይ 1 ማመንጫ ጣቢያ ከጢስ ዓባይ 2 ጋር የጋራ የውሃ ማስገቢያ በር (Intake gate) የሚጠቀም ቢሆንም፣ የራሱ መከላከያ በር ባለመኖሩ የውሃ ማስተላለፊያ ቱቦው በደለል ተዘግቶ ቆይቷል።
በአሁኑ ወቅት ይህንን ችግር በመቅረፍ ጣቢያውን ወደ አገልግሎት ለማስገባት ጥረቶች እየተደረጉ ይገኛሉ ተብሏል።
ከ60 ዓመታት በላይ ዕድሜ ያስቆጠረው ይህ የኃይል ማመንጫ ጣቢያ፣ 11.4 ሜጋ ዋት ኃይል የማምረት አቅም እንዳለውም ተገልጿል።@SECO


