ለዳያስፖራው ማኅበረሰብ ድንበር ተሻጋሪ የገንዘብ ዝውውርን የሚያቀላጥፈው “ሲቢኢ ኮኔክት” ዲጂታል መድረክ ተመረቀ

የኢትዮጵያ ንግድ ባንክ የኢትዮጵያ ዳያስፖራ አባላትና ዓለም አቀፍ ደንበኞቹ በቀላሉና በሕጋዊ መንገድ የገንዘብ ዝውውር እንዲያደርጉ የሚያስችለውን “ሲቢኢ ኮኔክት ዲጂታል ዋሌት” የተሰኘ አዲስ የፋይናንስ አገልግሎት መድረክ በዛሬው ዕለት በይፋ አስመረቀ።

ይህ መተግበሪያ ባንኩ ከአገር በቀል የቴክኖሎጂ ኩባንያ ኢግልላይን ሲስተም ቴክኖሎጂ ጋር በመተባበር ያበለጸገው ሲሆን፣ ዓለም አቀፍ ደረጃን ያሟላና አስተማማኝ ደኅንነት ያለው መሆኑ ተገልጿል።

አዲሱ መድረክ የኢትዮጵያ ዳያስፖራ አባላት ያለምንም የስዊች አገልግሎት አማካይነት ድንበር ተሻጋሪ የገንዘብ መላላክ እንዲያከናውኑ ከማስቻሉም በላይ፣ የውጭ ምንዛሪ እንዲሁም የቤትና የመኪና ብድር አገልግሎቶችን ለማግኘት ምቹ ሁኔታን ይፈጥራል።

መተግበሪያው እንደ ቪዛ እና ማስተርካርድ ያሉ ዓለም አቀፍ የክፍያ ካርዶችን በመጠቀም ገንዘብ ለመላክ የሚያስችል ሲሆን፣ ከኢትዮጵያ ንግድ ባንክ በተጨማሪ ከሌሎች የአገር ውስጥ ባንኮች ሒሳብ ጋር በመተሳሰር ቅጽበታዊ የገንዘብ ዝውውር እንዲከናወን ያደርጋል።

ይህ አገልግሎት በተለይ ደንበኞች ሕገ-ወጥ የውጭ ምንዛሪ ገበያን ትተው ሕጋዊ መንገድን እንዲከተሉ በማበረታታት ለአገሪቱ የልማት ተግባራት የሚውል በቂ የውጭ ምንዛሪ አቅርቦት እንዲኖር ታላቅ ድርሻ እንደሚኖረው በምረቃው ወቅት ተመላክቷል።

 መተግበሪያው በይፋ ሥራ መጀመሩን ያበሰሩት የባንኩ የሥራ መሪዎች፣ ወደፊት አገልግሎቱ ለወጪ ንግድ ክፍያ፣ ለአነስተኛ ፋይናንስና ለነጋዴዎች አገልግሎት ጭምር እንዲውል ሆኖ መዘጋጀቱን ገልጸዋል።@SECO

Related

Ethiopia’s Health Spending Set to Surge 73% by 2030, Driven by Government Investment

-Health-related taxes and the exploration of debt-swaps for health...

በግሎባል ባንክ የ18 ሚሊዮን ብር የአክሲዮን ግዢ እና የአመራር ውዝግብ አዳዲስ ጥያቄዎችን አስነሳ

በቅርቡ ከፍተኛ የአመራርና የመልካም አስተዳደር ውዝግብ ውስጥ የገባው ግሎባል...

New ECMA Chief Grants Licences to Two More Investment Banks, Expanding Capital Market Players

The Ethiopian Capital Market Authority (ECMA), under its newly...

ዘመን ባንክ የኢንተርፕራይዞች የአሰራር ክፍተት ለመሙላት እየሰራ ነው

የአነስተኛና መለስተኛ ኢንተርፕራይዞች አቅም ማጎልበት ትኩረት እንደሚሻ ተጠቁሟል የዘመን ባንክ...

Top 10 Largest Cities in Sub-Saharan Africa by 2050: World Bank Population Forecast

The World Bank projects major population growth in Sub-Saharan...

Popular Categories