ግብርና ሚኒስቴር በ10.15 ሚሊዮን ዶላር የዶሮ ጫጩት ማስፈልፈያ ለመገንባት ውል መፈራረሙን አስታወቀ

የግብርና ሚኒስቴር በአፍሪካ ልማት ባንክ ድጋፍና በ10.15 ሚሊዮን የአሜሪካ ዶላር ወጪ ዘመናዊ የዶሮ ጫጩት ማስፈልፈያ ተቋም ለመገንባት ከ”አግሪፋም” ኩባንያ ጋር ስምምነት ተፈራርሟል።

ስምምነቱ የኢትዮጵያን የዶሮ ምርት አቅም ለማሳደግ እና በአገር አቀፍ ደረጃ በዘርፉ ለተሰማሩ አርሶ አደሮች ጥራት ያለውን የምርት ግብዓት በተመጣጣኝ ዋጋ ለማዳረስ የተቀረጸው “የኢትዮጵያ የዶሮ እሴት ሰንሰለት ልማት ፕሮግራም” አካል መሆኑ ተጠቁሟል።



ፕሮጀክቱ በዓመት 63 ሚሊዮን እንቁላል የማሳቀፍ አቅም እንደሚኖረው የተገለጸ ሲሆን፣ በአገር ውስጥ ያለውን የዘመናዊ ጫጩት መፈልፈያ አቅም በእጅጉ እንደሚያሳድገው ይጠበቃል።

የውል ስምምነቱን በግብርና ሚኒስቴር የእንስሳትና ዓሣ ሀብት ልማት ዘርፍ ሚኒስትር ዴኤታ ፍቅሩ ረጋሳ (ዶ/ር) እና የአግሪፋም ኩባንያ ተወካይ ጃሪ ዣኦ ተፈራርመውታል። እንደ ስምምነቱ ከሆነ አግሪፋም ኩባንያ ግንባታውን በአንድ ሳምንት ውስጥ በመጀመር፣ በአስራ ሁለት ወራት ጊዜ ውስጥ ሙሉ ለሙሉ ለማጠናቀቅ ተስማምቷል።



ይህ ተቋም ወደ ሥራ ሲገባ፣ የኢትዮጵያን የዶሮ ኢንዱስትሪ በማዘመን ረገድ ከፍተኛ ሚና እንደሚኖረውና ለዘላቂ ኢኮኖሚያዊ ዕድገት ወሳኝ ድርሻ እንደሚኖረው በስነ-ስርዓቱ ወቅት ተገልጿል።@seco

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

Popular Categories