የሶማሌ ክልል የአሜሪካ መንግስት ያወጣው መግለጫ የችኮላ ነው ሲል አጣጣለ

አስቸኳይ ብሎ የሶማሌ ክልል መንግስት ኮሙኒኬሽን ቢሮ ያወጣው መግለጫ እንደገለፀው የአሜሪካ ኤምባሲ ዶሎ ዞንን በተመለከተ ያወጣው የጉዞ ማስጠንቀቂያ በአካባቢው ያለውን ተጨባጭ ሁኔታ አያንጸባርቅም ብሎታል፡፡

በአዲስ አበባ የሚገኘው የአሜሪካ ኤምባሲ ሴፕቴምበር 16/2026 ዶሎ ዞንን በተመለከተ ያወጣውን የጉዞ ማስጠንቀቂያ ተመልክቷል ያለው የክልሉ ቢሮ መግለጫ።

ኤምባሲው ያወጣው ማስታወቂያ በችኮላ የወጣና በዶሎ ዞን ያለውን ተጨባጭ የሰላምና የደኅንነት ሁኔታ በትክክል የማያንጸባርቅ ፤ በአካባቢው ያለውን ሁኔታ በየጊዜው ከሚከታተሉት የክልሉ አስተዳደር የደህንነትና ፀጥታ ተቋማት ጋር በቂ የመረጃ ማጣራትና ምክክር ሳይደረግበት የወጣ ነው ብሏል።

አክሎም የክልሉ አስተዳደርና የፀጥታ ተቋማት ባረጋገጡት መሠረት፣ ዞኑ ሰላማዊና የተረጋጋ ነው።

የመንግሥት ተቋማትም መደበኛ ኃላፊነታቸውን በሙሉ እየተወጡ ሲሆን፣ የሰው፣ የተሽከርካሪ እንቅስቃሴ፣ የንግድ ሥራዎች፣ የማኅበራዊ አገልግሎቶችና ሌሎች ዕለታዊ ተግባራት በመደበኛነት እየተከናወኑ ይገኛሉ ብሏል ከደቂቃዎች በፊት የወጣው መግለጫ።

የሶማሌ ክልል መንግሥት ለነዋሪዎች፣ ለእንግዶችና በክልሉ ውስጥ ለሚገኙ ዜጎች ደኅንነት ከፍተኛ ትኩረት ይሰጣል ሲል ነው ያከለው።

ልዩ ጥንቃቄ የሚያስፈልግ የፀጥታ ሁኔታ ካጋጠመም፣ የሚመለከታቸው ተቋማት ትክክለኛ፣ ወቅታዊና ይፋዊ መረጃ ለሕዝቡ ያደርሳሉ ብሎ አክሎ።

የዲፕሎማሲ ተቋማትና የጉዞ ማስጠንቀቂያዎችን የሚያወጡ ሌሎች አካላት መረጃዎችን ከማሰራጨታቸው በፊት መሬት ላይ ያሉ እውነታዎችን በአግባቡ እንዲያጣሩና ከሶማሌ ክልል የሚመለከታቸው ተቋማት ጋር እንዲመካከሩ ነው ጥሪ ያቀረበው።SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

የኢትዮጵያ የሚዲያ ልህቀት ማዕከል ተመረቀ

“ከማገዳችን በፊት ከአምስቴ በላይ ማስጠንቀቂያ ሰጥተናል!” የመገናኛ ብዙኃን ባለስልጣን ያስመረቀው...

Popular Categories