ከ145 በላይ አገራት የአሜሪካ ግዙፍ ኩባንያዎችን ከዓለም አቀፍ የኮርፖሬት ግብር ነፃ ለማድረግ ተስማሙ

ከ145 በላይ አገራት የአሜሪካ ግዙፍ ኩባንያዎች በውጭ አገራት ተጨማሪ የኮርፖሬት ግብር እንዳይከፍሉ በሚያስችል የጥቅም ማረጋገጫ (Exemption) ላይ መስማማታቸው ተገለጸ። ይህ ስምምነት እ.ኤ.አ. በ2021 ተደርሶ የነበረውን ታሪካዊ የዓለም አቀፍ ግብር ስምምነት የሚያለሰልስ መሆኑ ተጠቁሟል።

የኢኮኖሚ ትብብርና ልማት ድርጅት እንዳስታወቀው፤ ዋና መሥሪያ ቤታቸው “አነስተኛ የግብር መስፈርትን በሚያሟሉ” አገራት ውስጥ ለሚገኙ ኩባንያዎች “ደህንነቱ የተጠበቀ መጠለያ” እንዲኖር ተስማምቷል።

 ይህም የአሜሪካ ኩባንያዎች በሌሎች አገራት ውስጥ ከሚጣለው 15 በመቶ ዝቅተኛ የዓለም አቀፍ የኮርፖሬት ግብር ነፃ እንዲሆኑ ዕድል ይሰጣል።

ይህ ለውጥ የመጣው በፕሬዝዳንት ዶናልድ ትራምፕ አስተዳደር ግፊት መሆኑ ተገልጿል። የአሜሪካ መንግሥት ስምምነቱን በመቃወም በኩባንያዎቼ ላይ አድልዎ ይፈጸማል በሚል “የበቀል ግብር” ለመጣል ሲዝት መቆየቱ ይታወሳል።

ቻይና፣ ፖላንድ፣ ኢስቶኒያ እና ቼክ ሪፐብሊክ መጀመሪያ ላይ ስምምነቱን ተቃውመው የነበረ ቢሆንም፣ ባለፉት ጥቂት ቀናት ውስጥ ተቃውሟቸውን አንስተዋል።

 ቻይና እንደ አሜሪካ ሁሉ ለኩባንያዎቿ ተመሳሳይ ጥቅማጥቅም እንዲሰጣት ስትጠይቅ የነበረ ሲሆን፣ የአውሮፓ አገራት ደግሞ የስምምነቱ መላላት በንግድ ተወዳዳሪነታቸው ላይ ሊያመጣ የሚችለውን ተፅዕኖ ስጋታቸውን ገልጸው ነበር።

የግብር ፍትህ ተሟጋቾች በበኩላቸው፤ “አሜሪካ የፈለገችውን አግኝታለች፣ ሌሎች አገራትም ተስማምተዋል” ሲሉ ስምምነቱን ነቅፈዋል። ይሁን እንጂ የኦኢሲዲ የግብር ኃላፊ ማናል ኮርዊን “ስምምነቱ ፖሊሲውን ለማጠናከር እንጂ ዓለም አቀፍ ዝቅተኛ ግብርን ለመተው አይደለም” ሲሉ ተከራክረዋል።@SECO

Related

በኤሌክትሪክ የምትንቀሳቀስ የዓለማችን ግዙፏ የዕቃ ጫኝ መርከብ

ንብረትነቷ የቻይና የሆነችውና 10 ሺህ ቶን ጭነት የመሸከም አቅም...

ሰሊጥ 21 ሺህ ብር በመሸጥ ከፍተኛ ዋጋ አስመዘገበ

ዋጋው ከቀደመው አመት 20 በመቶ ጭማሪ ሊያሳይ ችሏል ባለፉት ጥቂት...

የዓለም እድገት ወደ 2.6 በመቶ ዝቅ እንደሚል ተተነበየ

በጄኔቫ ይፋ የሆነው የተባበሩት መንግሥታት የንግድና ልማት ድርጅት (አንክታድ)...

በኒውዚላንድ በታክስ ማጭበርበር የተከሰሰችው አዛውንት በኢትዮጵያ ደካማ ኢንተርኔት ማሳበቧ ተገለፀ

ከኒውዚላንድ እየመጡ የሚገኙ ዘገባዎች እንዳመላከቱት  ከሆነ ሄለን ፉአታሃ የተባለች...

የኢራን ጦርነት የኢኮኖሚ ውድቀትን እያባባሰ ነው

ነዳጅ እና ውሀ ማጣሪያዎች እየተደበደቡ ነው። የኢራን እና እስራኤል፣ አሜሪካ...

Popular Categories