ኢትዮ ቴሌኮም በሳፋሪኮም ላይ የወሰደው እርምጃ መሰረተ ልማትን ለመጠበቅ እንጂ አገልግሎት ለማቋረጥ እንዳልሆነ አብራራ

ኢትዮ ቴሌኮም በሳፋሪኮም ኢትዮጵያ የኤም-ፔሳ አገልግሎት ላይ የወሰደው እርምጃ የደንበኞችን ደህንነትና የኩባንያውን መሰረተ ልማት ከመጠበቅ አኳያ የተከናወነ እንጂ ሆን ተብሎ ኔትወርክን የመዝጋት ፍላጎት እንዳልነበረው አስታወቀ።

ይህ የተገለጸው፤ ሳፋሪኮም ኢትዮጵያ ኩባንያ፣ “ኤምፔሳ ለሁሉም” ብሎ የሰየመው አዲሱ የገንዘብ መገበያያና ማስተላለፊያ መተግበሪያ የኢትዮ ቴሌኮም ቁጥር ላላቸው ተገልጋዮች አገልግሎት እንደይሠጥ እንደታገደበት ከሳወቀ ከወራት በኃላ ነዉ።

ይህ መተግበሪያ፣ የሳፋሪኮም እና የኢትዮ ቴሌኮም ስልክ ቁጥር ለያዙ ሁሉም የስልክ ተጠቃሚዎች አገልግሎት መስጠት እንዲችል ሆኖ የተሠራ እንደሆነ ተቋሙ መግለፁ ይታወቃል።

ይሁን እንጂ የኢትዮቴሌኮም ዋና ስራ አስፈፃሚ ፍሬህይወት ታምሩ፤ የተቋማቸዉን የበጀት ዓመቱን 6 ወራት አፈፃፀም በተመለከተ ባቀረቡት ሪፖርት ወቅት እንደገለፁት “ኩባንያው በሃላፊነት የሚያስተዳድራቸውን ደንበኞች ከስርዓት ውጭ አገልግሎት ለመስጠት መሞከር ከኮምፕሊያንስና ከሙያ ስነ-ምግባር ውጭ ነው” ብለዋል።

ጉዳዩን በተመለከተ ኢትዮ ቴሌኮም በዲስፕሊንና በፕሮፌሽናሊዝም ለሳፋሪኮም ኢትዮጵያ እንዲሁም ለኢትዮጵያ ኮሙኒኬሽን ባለስልጣን ፣ ለብሔራዊ ባንክ እና ለኢንሳ በጽሁፍ ማሳወቁን ገልጸዋል።

በመጀመሪያው ዙር በቃል ማስጠንቀቂያ ተሰጥቶ ድርጊቱ ቆሞ የነበረ ቢሆንም፣ ለሁለተኛ ጊዜ ተመሳሳይ ሁኔታ በመከሰቱ ተቋሙ ደንበኞቹንና የገነባውን መሰረተ ልማት ለመጠበቅ ሲል እርምጃ መውሰዱን አስታውቀዋል።

“ብዙዎች ኢትዮ ቴሌኮም ኔትወርክ ዘጋብኝ በሚል ነው የተረዱት፤ ነገር ግን ኔትወርክ አልተዘጋም” ያሉት ዋና ስራ አስፈጻሚዋ፤ ሳፋሪኮም የኢትዮ ቴሌኮም ደንበኞችን ያለ ስምምነት በመንጠቅ አገልግሎት ለመስጠት መሞከሩ በሌሎች ሃገራትም የማይሰራና ተገቢ ያልሆነ አሰራር መሆኑን አጽንኦት ሰጥተዋል።

ኢትዮ ቴሌኮም መሰረተ ልማቱን ለማጋራት ዝግጁ ቢሆንም፣ ማንኛውም ተፎካካሪ ድርጅት የኢንዱስትሪውን ስርዓትና የደንበኞችን ደህንነት ማክበር እንዳለበት በማሳሰቢያቸው ጠቁመዋል።@SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

ኢትዮ ቴሌኮም ሦስት ምክትል ዋና ሥራ አስፈጻሚዎችን ሾመ

አዲስ መዋቅር አስተዋውቋል የኢትዮ ቴሌኮም ሦስት ምክትል ዋና ሥራ አስፈጻሚ...

Popular Categories