በኢትዮጵያ የግብርና ምርቶችን ወደ ውጭ ለሚልኩ ጥቃቅንና አነስተኛ ተቋማት የ40 ሚሊዮን ዩሮ ድጋፍ ተመደበ

በኢቢቪ ዘጋቢ

የአውሮፓ ኢንቨስትመንት ባንክ (EIB) የልማት ክንፍ የሆነው ኢአይቢ ግሎባል (EIB Global) በኢትዮጵያ ውስጥ በግብርናው ዘርፍ ለተሰማሩና ምርቶቻቸውን ወደ ውጭ ለሚልኩ ጥቃቅንና አነስተኛ ኢንተርፕራይዞች የሚውል የ40 ሚሊዮን ዩሮ የፋይናንስ ድጋፍ ስምምነት ከዘመን ባንክ ጋር ተፈራረመ።

በአዲስ አበባ በተካሄደው የአውሮፓ ህብረት-ኢትዮጵያ የንግድ ፎረም ላይ ይፋ እንደተደረገው፣ ኢአይቢ ግሎባል የ20 ሚሊዮን ዩሮ የብድር መስመር ለዘመን ባንክ ያቀረበ ሲሆን ባንኩም በተመሳሳይ የራሱን 20 ሚሊዮን ዩሮ በማከል ለዘርፉ ያውላል።

ይህ ስምምነት ኢአይቢ ግሎባል በኢትዮጵያ ለሚገኝ የግል የንግድ ባንክ በቀጥታ የሰጠው የመጀመሪያው ብድር በመሆኑ በኢኮኖሚ ትብብሩ ላይ አዲስ ምዕራፍ የከፈተ ሆኗል።

ይህ የብድር ድጋፍ በዋናነት ለቡና እና ለጓሮ አትክልትና ፍራፍሬ ላኪዎች የሚውል ሲሆን፣ ቢያንስ 30 በመቶ የሚሆነው ፋይናንስ በሴቶች ለሚመሩ ወይም ለሴቶች የሥራ ዕድል ለሚፈጥሩ ድርጅቶች እንዲውል ተለይቷል።

በተጨማሪም የአየር ንብረት ለውጥን ለመቋቋም የሚያስችሉና የአካባቢ ጥበቃን ከግምት ውስጥ ያስገቡ የግብርና ሥራዎች የ30 በመቶ ድርሻ እንዲኖራቸው ስምምነት ላይ ተደርሷል።

የዘመን ባንክ ዋና ሥራ አስፈጻሚ አቶ ደረጀ ዘበነ እና የአውሮፓ ህብረት ኮሚሽነር ጆሴፍ ሲኬላ እንደገለጹት፣ ይህ ኢንቨስትመንት የኢትዮጵያን የውጭ ምንዛሬ ግኝት ከመጨመር ባለፈ በግብርናው ዘርፍ ለሚሰማሩ ወጣቶችና ሴቶች ሰፊ የሥራ ዕድል የሚፈጥርና የሀገሪቱን የኢኮኖሚ ዕድገት የሚያፋጥን ነው።@SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

የኢትዮጵያ የሚዲያ ልህቀት ማዕከል ተመረቀ

“ከማገዳችን በፊት ከአምስቴ በላይ ማስጠንቀቂያ ሰጥተናል!” የመገናኛ ብዙኃን ባለስልጣን ያስመረቀው...

Popular Categories