ኢትዮጵያ በ2035 ሙሉ በሙሉ የኤሌክትሪክ ተጠቃሚ ለመሆን 18 ቢሊዮን ዶላር የሚጠይቅ ስትራቴጂ ነደፈች

የኢትዮጵያ የውሃና ኢነርጂ ሚኒስቴር እስከ ፈረንጆቹ 2035 ድረስ መላውን የሀገሪቱን ክፍል አስተማማኝ የኤሌክትሪክ ኃይል ተደራሽ ለማድረግ የሚያስችል ስትራቴጂ እየቀረጸ መሆኑን አስታወቀ። ለዚህ ግዙፍ ፕሮጀክት ከ18 ቢሊዮን ዶላር በላይ ኢንቨስትመንት እንደሚያስፈልግ የተገለጸ ሲሆን፣ ዘርፉን ለግል ባለሀብቶች ክፍት የማድረግ እቅድም ተካቷል።


ይህ ስትራቴጂ እየተዘጋጀ ያለው የሀገሪቱን የኤሌክትሪክ ማመንጫ፣ ማስተላለፊያ እና ማከፋፈያ መሰረተ ልማቶችን የሚመራው “የብሔራዊ የኤሌክትሪክ ፕሮግራም” (NEP) በሦስተኛው ምዕራፍ ስር ነው።

አዲሱ ምዕራፍ በቀደሙት ሁለት ምዕራፎች የተለዩትን የፋይናንስ እና የአፈጻጸም ክፍተቶችን ለመሙላት ታሳቢ ተደርጎ የተነደፈ መሆኑ ተገልጿል።


በፕሮግራሙ አፈጻጸም ዙሪያ በተካሄደ ሀገር አቀፍ ወርክሾፕ ላይ ንግግር ያደረጉት የኢነርጂ ልማት ሚኒስትር ዴኤታ ሱልጣን ወሊ፣ አስተማማኝ እና ተመጣጣኝ የኤሌክትሪክ ኃይል ለኢትዮጵያ ኢኮኖሚ እድገት ወሳኝ መሆኑን አስገንዝበዋል።


ሦስተኛው ምዕራፍ ንጹህ ኃይልን ማስፋፋት፣ የአየር ንብረት ተጽዕኖዎችን መቋቋም፣ የኃይል አጠቃቀምን ውጤታማ ማድረግ እና የዘርፉን ዲጂታላይዜሽን ቅድሚያ እንደሚሰጥ ገልጸዋል።

መንግስት የኃይል ማመንጫዎችን እና ተያያዥ መሰረተ ልማቶችን ለመገንባት የግል ዘርፉን ተሳትፎ ለማበረታታት የኢትዮጵያን የኢነርጂ ፖሊሲ በመገምገም ላይ ይገኛል።


የኢትዮጵያ ኤሌክትሪክ ኃይል ዋና ስራ አስፈጻሚ አሸብር ባልቻ፣ በአዲሱ ፕሮግራም አዳዲስ የኃይል ማመንጫዎች፣ የማስተላለፊያ መስመሮች እና የኃይል ማከፋፈያ ጣቢያዎች ግንባታ ተጠናክሮ እንደሚቀጥል ተናግረዋል።@seco

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

Popular Categories