የኢትዮጵያ የካፒታል ገበያ ባለሥልጣን ለገዳ ሴኩዩሪቲስ ዲለር አ.ማ. (Gada Securities Dealer S.C.) የካፒታል ገበያ አገልግሎት ሰጪነት ፈቃድ መስጠቱን አስታወቀ።
ዛሬ ረቡዕ ታኅሣሥ 15 ቀን 2018 ዓ.ም በይፋ የተሰጠው ይህ ፈቃድ፣ ድርጅቱ በሀገሪቱ የሰነደ ሙዓለ ንዋይ ገበያ አከናዋኝነት ዘርፍ እንዲሰማራ የሚያስችለው ነው።
ይህ አዲስ ፈቃድ የተሰጠው ኢትዮ ፊደልቲ ሴኩዩሪቲስ የመጀመሪያው የሰነደ ሙዓለ ንዋይ ገበያ አከናዋኝ ሆኖ ከተመዘገበ ከአራት ወራት በኋላ ሲሆን፣ ይህም በዘርፉ የተሰማሩ ተቋማትን ቁጥር ወደ ሁለት አሳድጎታል።
ከዚሁ ጋር ተያይዞ ባለሥልጣኑ የድርጅቱን የአራት ተሿሚ እንደራሴዎች ፈቃድ እና የስድስት የቦርድ አባላትን ሹመት ማጽደቁ ታውቋል።
ይህ ፈቃድ በአገሪቱ ውስጥ ፈቃድ ያገኙ ጠቅላላ የካፒታል ገበያ አገልግሎት ሰጪዎችን ቁጥር ወደ 14 ያደረሰ ሲሆን፣ ይህም የኢትዮጵያን የካፒታል ገበያ ይበልጥ ተወዳዳሪና ተደራሽ እንደሚያደርገው ተመልክቷል።@seco


