የዛምቢያ ማዕከላዊ ባንክ የማዕድን ኩባንያዎች ግብርን በቻይና ዩዋን እንዲከፍሉ መፍቀዱ ተገለጠ

የዛምቢያ ማዕከላዊ ባንክ ከአውሮፓውያኑ ጥቅምት ወር ጀምሮ የማዕድን ኩባንያዎች የግብር ክፍያቸውን በቻይና የገንዘብ አይነት ‘ሬንሚንቢ’ (ዩዋን) መፈጸም መጀመራቸውን አረጋገጠ።

በአፍሪካ ሁለተኛዋ ግዙፍ የመዳብ አምራች የሆነችው ዛምቢያ ይህንን ውሳኔ ያሳለፈችው፣ ቻይና የሀገሪቱ ዋነኛ የመዳብ ገዥ እና ትልቁ አበዳሪ በመሆኗ እንዲሁም ባንኩ የውጭ ምንዛሬ ክምችቱን ለማስፋፋት ባለው ስትራቴጂ መሰረት መሆኑ ተጠቁሟል።  ይህ አዲስ አሰራር ዛምቢያ ለቻይና ያለባትን ዕዳ በዩዋን እንድትከፍል በማስቻል የምንዛሬ ወጪን እንደሚቀንስላት ታምኖበታል።

ይህ የዛምቢያ እርምጃ ቻይና ገንዘቧን በዓለም አቀፍ ደረጃ ለማስፋፋት የምታደርገውን ጥረት የሚያግዝ ሲሆን፣ መሰል አዝማሚያዎች በሌሎች የአፍሪካ ሀገራትም እየታዩ ነው። ለምሳሌ ኬንያ ከቻይና የተበደረችውን የ5 ቢሊዮን ዶላር የባቡር መስመር ግንባታ ዕዳ ወደ ዩዋን በመቀየር በዓመት 250 ሚሊዮን ዶላር ገደማ ለማዳን እየሰራች ሲሆን፣ ኢትዮጵያም በተመሳሳይ ሁኔታ 5.38 ቢሊዮን ዶላር የሚጠጋውን የቻይና ዕዳዋን ወደ ዩዋን ለመቀየር ንግግር መጀመሯ ተገልጿል።@SECO

Related

በኤሌክትሪክ የምትንቀሳቀስ የዓለማችን ግዙፏ የዕቃ ጫኝ መርከብ

ንብረትነቷ የቻይና የሆነችውና 10 ሺህ ቶን ጭነት የመሸከም አቅም...

ሰሊጥ 21 ሺህ ብር በመሸጥ ከፍተኛ ዋጋ አስመዘገበ

ዋጋው ከቀደመው አመት 20 በመቶ ጭማሪ ሊያሳይ ችሏል ባለፉት ጥቂት...

የዓለም እድገት ወደ 2.6 በመቶ ዝቅ እንደሚል ተተነበየ

በጄኔቫ ይፋ የሆነው የተባበሩት መንግሥታት የንግድና ልማት ድርጅት (አንክታድ)...

በኒውዚላንድ በታክስ ማጭበርበር የተከሰሰችው አዛውንት በኢትዮጵያ ደካማ ኢንተርኔት ማሳበቧ ተገለፀ

ከኒውዚላንድ እየመጡ የሚገኙ ዘገባዎች እንዳመላከቱት  ከሆነ ሄለን ፉአታሃ የተባለች...

የኢራን ጦርነት የኢኮኖሚ ውድቀትን እያባባሰ ነው

ነዳጅ እና ውሀ ማጣሪያዎች እየተደበደቡ ነው። የኢራን እና እስራኤል፣ አሜሪካ...

Popular Categories