ኩባንያው የስድስት ተጨማሪ ዘመናዊ የኤሌክትሪክ መኪኖች የእጣ አወጣጥ መርሃ ግብርንም አካሄዷል
ኩባንያው 130ኛ ዓመት ክብረ-በዓሉን ምክንያት በማድረግ ከመስከረም 12 ቀን 2017 ዓ.ም. ጀምሮ ለደንበኞች ባዘጋጀው የኢትዮ 130 ሜጋ ፕሮሞ እና ኢትዮ 131 ላኪ ስሎት ሽልማት መርሃ ግብር ልዩ ልዩ ሽልማቶችን ሲያበረክት መቆየቱ ይታወቃል፡፡
ኢትዮ ቴሌኮም በዛሬው ዕለት ዕጣ ለወጣላቸው የአዲስ አበባ እና የጅማ ባለዕድሎች፣ ሁለት ዘመናዊ የቢ.ዋይ.ዲ (BYD) የኤሌክትሪክ መኪኖችን ቁልፍ አስረክቧል፡፡
ኩባንያችን በስልሳ አምስት ሳምንታት ውስጥ፣ 4 የኤሌክትሪክ መኪኖችን እንዲሁም 13 ባለሶስት እግር ተሽከርካሪዎችን ለዕድለኛ ደንበኞቹ ቁልፍ ማስረከቡ ይታወሳል፡፡
በተጨማሪም ከ127.8 ሚሊዮን ብር በላይ አጠቃላይ ዋጋ ያላቸውን ዘመናዊ ስማርት ስልኮች፣ ለንበኞች በየቀኑ እና በየሳምንቱ የቴሌብር ኤሌክትሮኒክስ ገንዘብ፣ እንዲሁም የሞባይል ጥቅሎችን ሽልማቶች አበርክቷል። በዛሬው ዕለትም የመጨረሻዎቹን ስድስት ዘመናዊ የኤሌክትሪክ መኪኖች ዕጣ የማውጣት መርሃ ግብር የተከናወነ ሲሆን በቀጣይ በሚዘጋጅ ልዩ መርሃ ግብር ስድስቱን መኪኖች ለባለዕድሎች እንደሚያስረክብ ኩባንያው አስታውቋል፡፡@SECO


