በአቃቂ ቃሊቲ ክፍለ ከተማ የኢትዮጵያ ንግድ ሥራዎች ኮርፖሬሽን ያስገነባውና ለግብርና ምርቶች እንዲሁም ለእንስሳት ተዋጽኦ ክምችትና ስርጭት የሚውል ግዙፍ የማቀዝቀዣ መጋዘንና ሁለገብ ሕንፃ በዛሬው ዕለት ከንቲባ አዳነች አቤቤና በከፍተኛ የመንግሥት የሥራ ኃላፊዎች ተመርቋል።

በ11,437 ካሬ ሜትር ምድረ ግቢ ላይ ያረፈውና 1.75 ቢሊዮን ብር ወጪ የተደረገበት ይህ ግዙፍ መሰረተ ልማት፣ በአንድ ጊዜ ከ20 ሺህ ኩንታል በላይ አትክልትና ፍራፍሬ እንዲሁም የእንስሳት ተዋጽኦን የማቀዝቀዝ እና 10 ሺህ ኩንታል የማደራጀት አቅም ያለው ዘመናዊ መጋዘን እንዲሁም ባለ 10 ወለል ሁለገብ ሕንፃን ያካተተ መሆኑ ተገልጿል።
ይህ የንግድ መሰረተ ልማት የሀገሪቱን የንግድ ሥነ-ምህዳር ለማዘመንና በዓለም አቀፍ የንግድ ሥርዓት ውስጥ ተወዳዳሪ ለመሆን የሚከናወኑ መጠነ ሰፊ ሥራዎች አካል ሲሆን፣ የታዩ ክፍተቶችን በአጭር ጊዜ ለማረም የሚያስችል የአሰራር ማሻሻያና ያላሰለሰ የአመራር ክትትል ተደርጎበት የተጠናቀቀ መሆኑ ተጠቁሟል።@SECO


