በጅቡቲ የሚገኙ ባለሀብቶች በሸበሌ ባንክ የአክሲዮን ግዢ ላይ ከፍተኛ ፍላጎት ማሳየታቸው ተነገረ

ሸበሌ ባንክ በጅቡቲ ከሚገኙ ታዋቂ የንግድ መሪዎች እና ከፍተኛ የመንግስት የስራ ሃላፊዎች ጋር ባካሄደው ውጤታማ የባለድርሻ አካላት የምክክር መድረክ፣ በሀገሪቱ የሚገኙ ባለሀብቶች የባንኩ ባለቤት ለመሆን ከፍተኛ ፍላጎት ማሳየታቸውን አስታወቀ።

በክብር እንግድነት የተገኙት የጅቡቲ የገንዘብና ኢኮኖሚ ልማት ሚኒስትር አቶ ኤልያስ ሙሴ፣ በጅቡቲ የኢትዮጵያ ባለሙሉ ስልጣን አምባሳደር ለገሰ ቱሉ እና የጅቡቲ ንግድ ምክር ቤት ፕሬዝዳንት አቶ ዩሱፍ ሙሴ ለባንኩ ያላቸውን ጠንካራ ድጋፍ የገለጹ ሲሆን፤ ባንኩ በቀጣናው የንግድ እና የፋይናንስ አገልግሎትን ለማሳለጥ ያለውን ሚና አድንቀዋል።

የሸበሌ ባንክ የቦርድ ሰብሳቢ አቶ ኢብራሂም ዑስማን ፋራህ እና የቦርድ አባሉ ሁሴን ቃሲም በተገኙበት በዚህ መድረክ ላይ፣ የኢትዮ-ጅቡቲ የንግድ ኮሪደር ለባንኩ ስትራቴጂካዊ ጠቀሜታ ያለው ዋነኛ የትኩረት መስመር መሆኑ ተብራርቷል። 

ባንኩ ባቀረበው አጠቃላይ አፈጻጸምና የወደፊት የእድገት ተስፋ ላይ ባለሀብቶቹ ያላቸውን እርካታ የገለጹ ሲሆን፣ ይህም ለታየው ከፍተኛ የአክሲዮን ግዢ ፍላጎት ምክንያት ሆኗል።

በዚህም በመድረኩ ከተገኙ ታዋቂ የንግድ ሰዎች ከፍተኛ የአክሲዮን ግዢ የተመዘገበ ሲሆን፣ በተጨማሪም በርካታ ባንኮች እና የድርጅት ተቋማት ከፍተኛ መጠን ያለው አክሲዮን ለመግዛት ያላቸውን ፍላጎት አረጋግጠዋል።@SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

ኢትዮ ቴሌኮም ሦስት ምክትል ዋና ሥራ አስፈጻሚዎችን ሾመ

አዲስ መዋቅር አስተዋውቋል የኢትዮ ቴሌኮም ሦስት ምክትል ዋና ሥራ አስፈጻሚ...

Popular Categories