ሁዋዌ የአሜሪካን ማዕቀብ በመቋቋም የ2025 ገቢው ወደ 127 ቢሊዮን ዶላር አሻቀበ

የቻይናው የቴክኖሎጂ ግዙፍ ኩባንያ ሁዋዌ እ.ኤ.አ. በ2025 የዓመታዊ ገቢው ከ880 ቢሊዮን ዩዋን (127 ቢሊዮን የአሜሪካ ዶላር) በላይ መድረሱን አስታወቀ።

ኩባንያው ይፋ እንዳደረገው፣ ይህ አኃዝ በኩባንያው ታሪክ እ.ኤ.አ. በ2020 ከተመዘገበው ከፍተኛ ገቢ (891 ቢሊዮን ዩዋን) ቀጥሎ ሁለተኛው ከፍተኛ ውጤት ነው።

 የሁዋዌ የቦርድ ሰብሳቢ ሃዋርድ ሊያንግ ሁዋ በጓንግዶንግ በተካሄደ የልማት ኮንፈረንስ ላይ እንደገለጹት፣ ኩባንያው የአሜሪካን የንግድ ማዕቀቦች በመቋቋም የተረጋጋ የሥራ እንቅስቃሴ በማድረግ ላይ የሚገኝ ሲሆን፣ ዓለም አቀፍ ተወዳዳሪነት ያላቸውን ምርቶችና አገልግሎቶች ማቅረቡን ቀጥሏል።

በተለይም በስማርት ስልክ ዘርፍ ሁዋዌ በቻይና ገበያ የ16.4 በመቶ ድርሻ በመያዝ የአሜሪካውን አፕል (16.2 በመቶ) በመብለጥ በአንደኛ ደረጃ ላይ ተቀምጧል።

ይህ ስኬት ኩባንያው እ.ኤ.አ. ከ2020 በኋላ በቻይና የስማርት ስልክ ገበያ መሪነቱን ሲረከብ የመጀመሪያው ሲሆን፣ ይህም ለአሜሪካ ማዕቀብ እጅ አለመስጠቱንና በቴክኖሎጂ ዘርፍ እያሳየ ያለውን ጥንካሬ የሚያመላክት መሆኑ ተገልጿል።

ሁዋዌ በ2024 የነበረው ገቢ ከ860 ቢሊዮን ዩዋን በላይ የነበረ ሲሆን፣ የ2025 ውጤት ኩባንያው ከገጠሙት ፈተናዎች ወጥቶ ወደ ቀድሞ ጥንካሬው እየተመለሰ መሆኑን የሚያሳይ ነው።@SECO

Related

በኤሌክትሪክ የምትንቀሳቀስ የዓለማችን ግዙፏ የዕቃ ጫኝ መርከብ

ንብረትነቷ የቻይና የሆነችውና 10 ሺህ ቶን ጭነት የመሸከም አቅም...

ሰሊጥ 21 ሺህ ብር በመሸጥ ከፍተኛ ዋጋ አስመዘገበ

ዋጋው ከቀደመው አመት 20 በመቶ ጭማሪ ሊያሳይ ችሏል ባለፉት ጥቂት...

የዓለም እድገት ወደ 2.6 በመቶ ዝቅ እንደሚል ተተነበየ

በጄኔቫ ይፋ የሆነው የተባበሩት መንግሥታት የንግድና ልማት ድርጅት (አንክታድ)...

በኒውዚላንድ በታክስ ማጭበርበር የተከሰሰችው አዛውንት በኢትዮጵያ ደካማ ኢንተርኔት ማሳበቧ ተገለፀ

ከኒውዚላንድ እየመጡ የሚገኙ ዘገባዎች እንዳመላከቱት  ከሆነ ሄለን ፉአታሃ የተባለች...

የኢራን ጦርነት የኢኮኖሚ ውድቀትን እያባባሰ ነው

ነዳጅ እና ውሀ ማጣሪያዎች እየተደበደቡ ነው። የኢራን እና እስራኤል፣ አሜሪካ...

Popular Categories