ዩኤስኤአይዲ በኢትዮጵያ የእርዳታ አሰጣጥ ላይ የተፈጸመ ከፍተኛ ምዝበራና ማጭበርበር አጋለጠ

በኢትዮጵያ መካከለኛና ሰሜን ምዕራብ አካባቢዎች በሚከናወኑ ሰብአዊ ድጋፎች ላይ ከፍተኛ የማጭበርበርና የዘረፋ ድርጊቶች እየተፈጸሙ መሆኑን የአሜሪካ ዓለም አቀፍ የልማት ተራድኦ ድርጅት (ዩኤስኤአይዲ ) የቁጥጥር ቢሮ  ባወጣው መግለጫ አስታወቀ።

ድርጅቱ ባወጣው በዚህ አስቸኳይ ማስጠንቀቂያ፣ የአካባቢ አመራሮች እርዳታ በሚፈልጉ ዜጎች ላይ የኢኮኖሚ ጭቆናና የማስፈራራት ድርጊት እየፈጸሙ መሆኑን ገልጿል።

 በተለይም በአፋር፣ ኦሮሚያና ትግራይ ክልሎች የሚገኙ የማህበረሰብ መሪዎች ተረጂዎች እርዳታ ለማግኘት “ለፖለቲካ ወይም ለበዓላት መዋጮ” በሚል ስም ክፍያ እንዲፈጽሙ እያስገደዱ መሆኑ ተረጋግጧል።

በተጨማሪም ሪፖርቱ የእርዳታ አሰጣጥ ሂደቱ ስልታዊ በሆነ መንገድ እየተመዘበረ መሆኑን ያመለክታል።

 በዚህም መሰረት እርዳታ የሚገባቸው እውነተኛ ተረጂዎች ከዝርዝር ተሰርዘው በምትካቸው ጉቦ የከፈሉ ግለሰቦች እንዲገቡ እየተደረገ ሲሆን፣ ድርጊቱን ለሚመለከተው አካል ለማሳወቅ የሞከሩ ተረጂዎች ደግሞ ከእርዳታ ዝርዝር ውስጥ እንደሚወጡ ዛቻና ማስፈራሪያ እየደረሰባቸው ይገኛል።

 ይህ አይነቱ የተደራጀ ምዝበራ ቀደም ሲል እ.ኤ.አ በ2023 የተከሰተውን መጠነ ሰፊ የእርዳታ እህል ስርቆትና ተከትሎት የመጣውን የእርዳታ ማቋረጥ ትውስታ የሚቀሰቅስ ሆኗል።

ምንም እንኳን USAID ከቀደመው ስርቆት በኋላ ማሻሻያዎችን ቢያደርግም፣ በ2025 የተደረገ ግምገማ ግን አሁንም ከፍተኛ የክትትል ክፍተቶች መኖራቸውን አመልክቷል።

ድርጅቱ በመሬት ላይ ያለውን ሁኔታ በሚገባ እንዳይቆጣጠር እንቅፋት ከሆኑት ምክንያቶች መካከል የቀድሞው ፕሬዝዳንት ዶናልድ ትራምፕ የውጭ እርዳታን ለማገድ ባወጡት ትዕዛዝ ምክንያት የተከተለው የሰው ኃይል ቅነሳና መዋቅራዊ ለውጥ ዋነኞቹ ናቸው። በዚህም ምክንያት የሰብአዊ ድጋፍ ቢሮው አስፈላጊውን ቁጥጥር ለማድረግ በቂ አቅም እንደሌለው ታውቋል።

ይህ የምዝበራ መረጃ የወጣው በኢትዮጵያ የረሃብ አደጋ ስጋት በከፍተኛ ሁኔታ በጨመረበት ወቅት መሆኑ ጉዳዩን ይበልጥ አሳሳቢ ያደርገዋል።

እንደ ትንበያዎች ከሆነ እስከ ሐምሌ 2026 ድረስ ከ15 ሚሊዮን በላይ ኢትዮጵያውያን ለከፍተኛ የምግብ እጥረት ይጋለጣሉ ተብሎ የሚጠበቅ ሲሆን፣ ከ260,000 በላይ ተፈናቃዮችም አስቸኳይ መጠለያና መሰረታዊ ቁሳቁስ ያስፈልጋቸዋል።

 የUSAID የቁጥጥር ቢሮ ይህንን ማስጠንቀቂያ ያወጣው ለጋሽ ድርጅቶችና አስፈጻሚ አካላት የተጠናከረ የክትትል ስርዓት እንዲዘረጉና ተጋላጭ የሆኑ የህብረተሰብ ክፍሎችን ከብዝበዛ እንዲከላከሉ ለማሳሰብ ነው።@SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

የኢትዮጵያ የሚዲያ ልህቀት ማዕከል ተመረቀ

“ከማገዳችን በፊት ከአምስቴ በላይ ማስጠንቀቂያ ሰጥተናል!” የመገናኛ ብዙኃን ባለስልጣን ያስመረቀው...

Popular Categories