የቻይና ባንክ በቢሾፍቱ ዓለም አቀፍ አውሮፕላን ማረፊያ ግንባታ ላይ ለመሳተፍ ፍላጎት አሳየ

የኢትዮጵያ አየር መንገድ ግሩፕ እና የገንዘብ ሚኒስቴር በቢሾፍቱ ለሚገነባው አዲስ ዓለም አቀፍ አውሮፕላን ማረፊያ የሚውል የገንዘብ ድጋፍን በተመለከተ ከቻይና ባንክ ጋር ከፍተኛ የሥራ ውይይት አካሄዱ።

መጋቢት 23፤ 2018 ዓ.ም የተካሄደው ይህ ውይይት፣ በአህጉሪቱ የአቪዬሽን ዘርፍ ላይ ትልቅ ለውጥ ያመጣል ተብሎ የሚጠበቀውንና 12.5 ቢሊዮን ዶላር የሚፈጀውን ሜጋ ፕሮጀክት እውን ለማድረግ ያለመ ነው።

ፕሮጀክቱን በበላይነት እያስተባበረ የሚገኘው የአፍሪካ ልማት ባንክ እና የቻይና ባንክ በጋራ ለመሥራት መነጋገራቸው፣ ለግንባታው የሚፈለገውን ከፍተኛ የፋይናንስ ፍላጎት ለማሟላት ምቹ ሁኔታን እንደሚፈጥር ታምኖበታል።

የኢትዮጵያ ልዑካን ቡድን ለባንኩ አመራሮች በሰጡት ማብራሪያ፣ ፕሮጀክቱ በቴክኒክ ረገድ ዝግጁ መሆኑንና የፋይናንስ መዋቅሩም በረጅም ጊዜ ዘላቂነት ላይ የተመሠረተ መሆኑን አረጋግጠዋል።

የቻይና ባንክ በበኩሉ፣ በዓለም አቀፍ ደረጃ በአውሮፕላን ማረፊያ ኢንቨስትመንት ያለውን ተሞክሮ በመጥቀስ በቢሾፍቱ ፕሮጀክት ላይ ለመሳተፍ “ከፍተኛ ፍላጎት” እንዳለው ገልጿል።

 ይህ አዲስ ማረፊያ ተራ የትራንስፖርት ተቋም ብቻ ሳይሆን፣ ሆቴሎችን፣ የገበያ ማዕከላትን እና ከአዲስ አበባ ጋር የሚያገናኝ ፈጣን የባቡር መስመርን ያካተተ “የአውሮፕላን ማረፊያ ከተማ” ሆኖ እንደሚገነባም በውይይቱ ወቅት ተመልክቷል።

የቢሾፍቱ ፕሮጀክት የመጀመሪያ ምዕራፍ በ2030 ሲጠናቀቅ 60 ሚሊዮን መንገደኞችን፣ ሙሉ በሙሉ ሲጠናቀቅ ደግሞ 110 ሚሊዮን መንገደኞችን በዓመት የማስተናገድ አቅም ይኖረዋል።

የአፍሪካ ልማት ባንክ ቀደም ሲል የ500 ሚሊዮን ዶላር ብድር የፈቀደ ሲሆን፣ እስከ 8 ቢሊዮን ዶላር የሚደርስ ተጨማሪ ሀብት ለማሰባሰብ እየሠራ ባለበት በዚህ ወቅት የቻይና ባንክ ተሳትፎ ለፕሮጀክቱ ስኬት ወሳኝ ሚና ይኖረዋል ተብሎ ይጠበቃል።@SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

Popular Categories