የኢትዮጵያ መንግሥት የቻይናው ዚጂን ጎልድ ኢንተርናሽናል የካናዳውን አላይድ ጎልድ ኮርፖሬሽን በ4 ቢሊዮን ዶላር ለመግዛት ያቀረበውን ጥያቄ አጽድቋል። ይህ ውሳኔ በቤኒሻንጉል ጉሙዝ ክልል የሚገኘውን የኩርሙክ ወርቅ ማውጫ ፕሮጀክት በይፋ ለመጀመር ትልቅ በር ከፍቷል።
ባለፈው ጥር ወር ይፋ የተደረገው ይህ ግብይት፣ የአላይድ ጎልድን ዓለም አቀፍ የሥራ ድርሻ ወደ ዚጂን ጎልድ የሚያዞር ነው። ካፒታል ምንጮቹን ዋቢ አድርጎ እንደዘገበዉ የባለቤትነት ለውጡ ቢኖርም የፕሮጀክቱ የሥራ ሂደት እንደማይስተጓጎል አረጋግጧል።
በ620 ሚሊዮን ዶላር የተገነባው የኩርሙክ ማውጫ፣ በዓመት 290 ሺህ አውንስ ወርቅ የማምረት አቅም ያለው ሲሆን፣ በኢትዮጵያ ትልቁ ዘመናዊ የወርቅ ማውጫ ይሆናል ተብሎ ይጠበቃል። ማዕድኑ በዓለም ላይ ካሉ ዝቅተኛ የወጪ ምርት ካላቸው ማውጫዎች አንዱ እንደሚሆን ተገምቷል።
የዘርፉ ባለሙያዎች፣ እንደ ዚጂን ጎልድ ያሉ ዓለም አቀፍ ግዙፍ ኩባንያዎች ወደ ኢትዮጵያ መግባታቸው በዘርፉ ላይ ያለውን ኢንቨስተሮች የመተማመን አቅም እንደሚያሳድግ ገልጸዋል።seco


