የኢትዮጵያ የጠለፋ መድን አክሲዮን ማህበር የአገልግሎት አድማሱን ወደ 12 የአፍሪካ ሀገራት አስፋፋ

የኢትዮጵያ የጠለፋ መድን አክሲዮን ማህበር በምስራቅ አፍሪካ ያለውን ተጽዕኖ ከማጠናከር ባለፈ፣ የአገልግሎት አድማሱን ወደ 12 የአፍሪካ ሀገራት በማስፋፋት አህጉራዊ ተወዳዳሪነቱን እያሳደገ መሆኑን አስታወቀ።

ተቋሙ የ10ኛ ዓመት የምስረታ በዓሉን አስመልክቶ በሰጠው መግለጫ፣ ቀደም ሲል የውጭ ምንዛሬ ፍሰት ምንጭ የነበረውን የጠለፋ መድን አገልግሎት በሀገር ውስጥ አቅም በመተካት ለኢኮኖሚው መረጋጋት የላቀ አስተዋጽኦ እያበረከተ መሆኑን አረጋግጧል።

ማህበሩ ባለፉት አስር ዓመታት ያስመዘገባቸው አበይት ስኬቶች፣ ከ90 ሚሊዮን ዶላር በላይ የውጭ ምንዛሬ ማዳን መቻሉንና አጠቃላይ የሀብት መጠኑን ወደ 5.2 ቢሊዮን ብር ማሳደጉን ያካትታሉ።

ይህ የፋይናንስ አቅም ግንባታ፣ ግድቦች፣ የባቡር መስመሮችና አየር መንገዶችን ጨምሮ ከፍተኛ ስጋት ያላቸውን ሜጋ ፕሮጀክቶች በራስ አቅም ለመሸፈን የሚያስችል ጠንካራ የኋላ ደጋፊ መሠረት ሆኖ አገልግሏል።

በአሁኑ ወቅት 39 የሀገር ውስጥና የውጭ መድን ኩባንያዎችን እያገለገለ የሚገኘው ተቋሙ፣ ከ15 በላይ ዓለም አቀፍ ደላሎች ጋር በመቀናጀት ከ300 በላይ የመልሶ መድን ስምምነቶችን እያስተዳደረ መሆኑ ተጠቁሟል።

ማህበሩ በስትራቴጂያዊ ግቡ መሠረት፣ ከኢትዮጵያ መድን ሰጪዎች ማህበር ጋር በመተባበር ከ300 በላይ ዓለም አቀፍ እውቅና ያላቸው ባለሙያዎችን በማፍራት፣ የሰው ኃይል ብቃትንና ቀጣናዊ ተወዳዳሪነትን ለማረጋገጥ እየሰራ እንደሚገኝ አስታውቋል።seco

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

Popular Categories