የአዲስ አበባ ከተማ አስተዳደር ምክር ቤት፣ በሦስተኛ ዙር አምስተኛ ዓመት የሥራ ዘመን አራተኛ መደበኛ ጉባዔው፣ ለ2019 በጀት ዓመት የቀረበለትን ረቂቅ በጀት መርምሮ በሙሉ ድምፅ አፅድቋል።
በዚህ መሠረት፣ የአስተዳደሩ ጠቅላላ በጀት 502 ነጥብ 27 ቢሊየን ብር ሆኗል። ይህ በጀት ከባለፈው የ2018 በጀት ዓመት ጋር ሲነጻጸር፣ የ152 ነጥብ 26 ቢሊየን ብር ወይም የ43 ነጥብ 5 በመቶ ብልጫ እንዳለዉ ተመላክቷል።
ከፀደቀው አጠቃላይ በጀት ውስጥ 359 ነጥብ 3 ቢሊየን ብር ለካፒታል ወጪ የተመደበ ሲሆን፣ ይህም የጠቅላላ በጀቱን ትልቁን ድርሻ መያዙን ያሳያል። ቀሪው 142 ነጥብ 97 ቢሊየን ብር ለመደበኛ ወጪዎች፣ እንዲሁም 16 ቢሊየን ብር ደግሞ ለመጠባበቂያ በጀት እንዲውል ተወስኗል።seco


