የኢትዮጵያ አየር መንገድ የጭነት አውሮፕላን በበረራ ሰራተኛው ምክንያት ወደ እስራአኤል እያደረገ የነበረውን በረራ ቀልብሶ ተመልሶ አዲስ አበባ ለማረፍ መገደዱ ተገለፀ።
የኢንዶኔዢያ የበረራ ሰራተኛ አባል በመኖሩ ምክንያት ወደ እስራኤል ያመራ የኢትዮጵያ አየር መንገድ አውሮፕላን ወደ ኋላ እንዲመለስ ተገዷል ነው የተባለው።
ከአዲስ አበባ የተነሳ የኢትዮጵያ አየር መንገድ የጭነት አውሮፕላን፣ እስራኤል የኢንዶኔዢያ ዜግነት ያለው የበረራ አባል አሳፍሯል በሚል በአገሯ እንዳያርፍ በመከልከሏ ምክንያት ትላንት ጥቅምት 1 ቀን (እሁድ ማታ) በአየር ላይ እያለ ወደ ኋላ እንዲመለስ መደረጉን በርካታ የዜና ማሰራጫዎች ዘግበዋል።
እስራኤል ከኢንዶኔዢያ ጋር ዲፕሎማሲያዊ ግንኙነት እንደሌላት ያስታወሱት የእስራኤል ሚዲያዎች የአገሪቱ ውሳኔ
ከሰሞኑ አንድ የኦማን ፓይለት አውሮፕላኑን ለመከስከስ በማሰብ ረዳቱን በጩቤ የወጋበትን የ«flydubai» ክስተት ተከትሎ የመጣ ጥብቅ ቁጥጥር መሆኑን አስታውሰዋል።
ቻናል 13 እንደዘገበው ከሆነ፣ በኢትዮጵያ አየር መንገድ በረራ ላይ የነበሩት የበረራ አባላት ዝርዝር ለእስራኤል ተቆጣጣሪ አካላት የተላከው አውሮፕላኑ ጉዞ ከጀመረ በኋላ ነው።
በመሆኑም የሚመለከታቸው የእስራኤል ተቆጣጣሪዎች አውሮፕላኑ በአገሪቱ ማረፍ እንደማይፈቀድለት በማሳወቃቸው እሁድ ማታ ይደረግ የነበረው በረራ ተሰርዞ በሌላ የበረራ ቡድን ሰኞ እለት ጉዞው ተደርጓል ነው የተባለው።SECO


