በኢቢቪ ዘጋቢ
የኢትዮጵያ ብሄራዊ ባንክ በየ15 ቀኑ ማድረግ በጀመረው የውጭ ምንዛሬ ጨረታ የዛሬ 12ኛ ዙር ከቀደመው ዋጋ ምንም የሚባል ለውጥ እንዳላሳየ ታወቀ፡፡
በእለቱ ውጤታማ የተባለው አማካኝ የአንድ ዶላር መግዣ ዋጋ 154.77 ብር ሆኖ የተዘጋ ሲሆን ይህ መጠን ከቀዳሚው ጨረታ የ 37 ሳንቲም ወይም የዜሮ ነጥብ 2 (0.2) በመቶ ብቻ ጭማሪ የታየበት ነው፡፡
ከቀደሙት ልምዶች በመነሳት ይህ የጨረታ ውጤት ምንም የሚባል ለውጥ ከቀዳሚው የምንዛሬ መጠን አንፃር ያልታየበት ነው፡፡
በተመሳሳይ ይህ ጨረታ ብሄራዊ ባንክ በየቀኑ ከሚወጣው አመላካች የምንዛሬ ዋጋ የ19 ሳንቲም ቅናሽ ያሳየ ነው፡፡ ይህም ማለት ዛሬ ዶላር በጨረታ የገዙ 13 ባንኮች ዶላሩን የገዙት ከአመላካች ዋጋው የ ዜሮ ነጥብ 12 በመቶ ቅናሽ አግኝተው ነው፡፡
ከሁለት ሳምንት በፊት ተደርጎ በነበረው 11ኛ ጨረታ የመግዣ ዋጋ 154.39 መሆኑ ይታወሳል ይህም የብር መግዛት አቅምን በ4.24 በመቶ ያዳከመ ነበር፡፡
ባለፉት ቀናት የብሄራዊ ባንክ አመላካች የምንዛሬ መጠን መለዋወጥ ሲያሳይ ቆይቶ ከ155 ብር በላይ ደርሶ እንደነበር ይታወሳል፡፡ የዛሬ ታህሳስ 7 ቀን ከሰአት አመላካች ዋጋ በዶላር 154.9 ብር ነው፡፡©SECO


