በበርካታ የአለም ክፍሎች በተመጣጣኝ ዋጋ ሸቀጥ በማቅረብ የሚታወቀው ካርፉር ወደ ኢትዮጵያ እንደሚገባ ሲገለፅ ቆይቷል።
ኢትዮዽያ ለዘመናት ለሌሎች ተከልክሎ የነበሩ የንግድ ዘርፎችን እያላላች እንደሆነ ይታወቃል።
ከዚህም መካከል የችርቻሮ ንግድ አንዱ ነው።
ምንም እንኳን በከፍተኛ ደረጃ ለሚሰራ የችርቻሮ ንግድ የውጭ ባለሀብቶች ወደ ኢትዮጵያ እንደገቡ ህጉ ከ3 አመት በፊት ቢስተካከልም ይህ ነው የሚባል ኩባንያ እስካሁን ስራ በይፋ አልጀመረም።
ኩባንያው ወደ ኢትዮጵያ ሲገባ በካርፉር ላይ የ25 በመቶ ድርሻ ባለው እና በአረቡ አለም፣ እስያ እና አፍሪካ ሱፐር ማርኬቶቹን በማስተዳደር መብት ባለው የተባበሩት አረብ ኤምሬቱ መጅድ አል ፉታይም አማካኝነት እንደሚገባ ነው የሚጠበቀው።
ሚድሮክ እንዳለው የንግድ ትብብር ስምምነቱ የመጀመሪያውን ዓለም አቀፍ ፍራንቻይዝ (franchise) ለኢትዮጵያ ገበያ የሚያስተዋውቅ ሲሆን በኩባንያው የዕድገት ጉዞ ላይ ትልቅ ምዕራፍ የሚከፍት ነው።
“ጠንካራ የሀገር ውስጥ አቅምን ከዓለም አቀፍ የችርቻሮ ንግድ ልምድ ጋር በማቀናጀት፣ የሀገር ውስጥ ሸማቾችን በተሻለ ሁኔታ ለማገልገል እንዲሁም የኢትዮጵያ ምርቶች ዓለም አቀፍ ደረጃን አሟልተው ለዓለም ገበያ እንዲቀርቡ ምቹ ሁኔታዎችን ለመፍጠር ያስችለናል፣” ሲል ነው ያከለው።@SECO


