በ2025 የአሜሪካ የተፈጥሮ ጋዝ ዋጋ ካለፈው ዓመት ዝቅተኛ ታሪክ በኋላ ጭማሪ አሳየ

በ2025 የፈረንጆቹ ዓመት በአሜሪካ የተፈጥሮ ጋዝ የገበያ ዋጋ በከፍተኛ ሁኔታ መጨመሩን የኤል.ኤስ.ኢ.ጂ መረጃዎች አመልክተዋል። ይህ ጭማሪ የታየው እጅግ ዝቅተኛ የዋጋ መጠን ተመዝግቦበት ከነበረው የ2024 ዓመት በኋላ ሲሆን፣ በሄንሪ ሀብ የሚለካው የተፈጥሮ ጋዝ ዋጋ በዋጋ ግሽበት ታስቦም ቢሆን ካለፈው ዓመት ጋር ሲነጻጸር የላቀ መሆኑ ተገልጿል።

 ይህም ለተጠቃሚዎች እና ለኢንዱስትሪዎች የኃይል ወጪ መጨመር አንዱ ምክንያት ሊሆን እንደሚችል ተገምቷል።

ለዚህ የዋጋ ጭማሪ በምክንያትነት የተጠቀሱት በ2025 የታየው የተፈጥሮ ጋዝ ምርት መቀነስ እና በተቃራኒው ደግሞ ለኤሌክትሪክ ኃይል ማመንጫነት የሚውለው ጋዝ ፍላጎት መጨመር ነው።

ከዚህም በተጨማሪ የአሜሪካ ፈሳሽ የተፈጥሮ ጋዝ (LNG) ወደ ውጭ የመላክ አቅም ማደግ እና የዓለም አቀፍ ገበያ ፍላጎት መጨመር በአገር ውስጥ ያለውን የዋጋ መጠን ከፍ እንዲል አድርጎታል።

በ2024 ዓመት ዋጋው እጅግ ዝቅተኛ የነበረው በወቅቱ በነበረው ከፍተኛ የምርት ክምችት እና መጠነኛ በነበረ የአየር ሁኔታ ምክንያት እንደነበረ ይታወሳል።

ይህ በ2025 የታየው የዋጋ ለውጥ በዓለም አቀፍ የኃይል ገበያ ላይም የራሱን ተጽዕኖ እያሳደረ ይገኛል። በተለይም አሜሪካ ወደ አውሮፓ እና እስያ የምትልከው የተፈጥሮ ጋዝ መጠን እየጨመረ በመምጣቱ፣ የአገር ውስጥ የዋጋ ግሽበትን ጨምሮ በተለያዩ የኢኮኖሚ ዘርፎች ላይ ጫና እየፈጠረ ይገኛል። የዘርፉ ተንታኞች እንደሚሉት ከሆነ፣ በቀጣይ ዓመታትም የምርት እና የፍላጎት አለመመጣጠን በዋጋው ላይ መለዋወጥን ሊያስከትል ይችላል።@SECO

Related

በኤሌክትሪክ የምትንቀሳቀስ የዓለማችን ግዙፏ የዕቃ ጫኝ መርከብ

ንብረትነቷ የቻይና የሆነችውና 10 ሺህ ቶን ጭነት የመሸከም አቅም...

ሰሊጥ 21 ሺህ ብር በመሸጥ ከፍተኛ ዋጋ አስመዘገበ

ዋጋው ከቀደመው አመት 20 በመቶ ጭማሪ ሊያሳይ ችሏል ባለፉት ጥቂት...

የዓለም እድገት ወደ 2.6 በመቶ ዝቅ እንደሚል ተተነበየ

በጄኔቫ ይፋ የሆነው የተባበሩት መንግሥታት የንግድና ልማት ድርጅት (አንክታድ)...

በኒውዚላንድ በታክስ ማጭበርበር የተከሰሰችው አዛውንት በኢትዮጵያ ደካማ ኢንተርኔት ማሳበቧ ተገለፀ

ከኒውዚላንድ እየመጡ የሚገኙ ዘገባዎች እንዳመላከቱት  ከሆነ ሄለን ፉአታሃ የተባለች...

የኢራን ጦርነት የኢኮኖሚ ውድቀትን እያባባሰ ነው

ነዳጅ እና ውሀ ማጣሪያዎች እየተደበደቡ ነው። የኢራን እና እስራኤል፣ አሜሪካ...

Popular Categories