የዓለም የገንዘብ ድርጅት (IMF) ዋና ዳይሬክተር ክሪስታሊና ጆርጂቫ፣ የዓለም ኢኮኖሚ ለንግድ ጫናዎችና ለተለያዩ ቀውሶች አስገራሚ የመቋቋም አቅም እያሳየ መሆኑን ገለጹ።
ዳይሬክተሯ በዩክሬን ኪየቭ ሆነው ለሮይተርስ በሰጡት ቃለ-መጠይቅ፣ ድርጅታቸው በቀጣዩ ሳምንት (ጥር 11 ቀን 2018 ዓ.ም ይፋ የሚያደርገው የዓለም ኢኮኖሚ ትንበያ፣ ኢኮኖሚው ከንግድ መስተጓጎሎች በላይ ጠንካራ መሆኑን እንደሚያሳይ አመልክተዋል።
እንደ ጆርጂቫ ገለጻ፣ ምንም እንኳ አሜሪካ ባለፈው ዓመት በተለያዩ አገራት ላይ ከፍተኛ የታሪፍ ጫናዎችን ብታሳድርም፣ የዓለም ኢኮኖሚ ዕድገት ግን አልተገታም። አይ ኤም ኤፍ በነሐሴ ወር 2017 (ጥቅምት 2024) የዓለም ኢኮኖሚ ዕድገት ትንበያውን ለ2025 ወደ 3.2% ከፍ አድርጎ የነበረ ሲሆን፣ አሁንም ይፋ የሚደረገው ጥር 11 ቀን 2018 ዓ.ም የሚወጣው ሪፖርት ተመሳሳይ ጥንካሬን እንደሚያንጸባርቅ ይጠበቃል።
ዳይሬክተሯ አክለውም፣ ምንም እንኳ አፈጻጸሙ ጥሩ ቢሆንም አሁንም ስጋቶች እንዳሉ አስጠንቅቀዋል። ከእነዚህም መካከል፦የጂኦፖለቲካ ውጥረቶች ፣ የቴክኖሎጂ ለውጥ እና የመጠባበቂያ ገንዘብ እጥረት አሳሳቢ መሆኑን ተናግረዋል።@SECO


