እስራኤል ለሶማሌላንድ በይፋ እውቅና የሰጠች የመጀመሪያዋ አገር ሆነች።
የሁለቱ አገራት መሪዎች በማህበራዎ ሚዲያ ገፃቸው ለሶማሌላንድ እውቅና መሰጠቱን አብስረዋል።
በዚህም መሰረት ሶማሌላንድ በአሜሪካው ፕሬዝደንት ዶናልድ ትራምት በቀደመ የስልጣን ዘመን በተጠነሰሰው የአብርሃም ስምምነት አካል እንደሆነች የታወቀ ሲሆን መሪዋ አብዱራህማን መሀመድ በእስራኤል ይፋዊ ጉብኝት እንዲያደርጉ በጠቅላይ ሚኒስትር ቤንያሚን ኔታንያሁ ግብዣ ቀርቦላቸዋል።
ሁለቱ አራት በመካከላቸው የዲፕሎማሲ ግንኙነት ለመጀመር ኢንባሲ ይከፍታሉ ነው የተባለው።
ከሁለት አመት በፊት ኢትዮጵያ እና ሶማሌላንድ የባህር በር ለኢትዮጵያ ለመስጠት በምትኩ ኢትዮጵያ ለሶማሌላንድ እውቅና ለመስጠት ተስማምተው ነበር።
ሆኖም ሶማሌላንድን የግዛቷ አካል እንደሆነች የምታስበው ሱማልያ ከፍተኛ ተቃውሞ ማሰማቷ ይታወሳል።
ሆኖም የሶማሌላንድ እውቅና እንድታገኝ በተለይ አንዳንድ የአሜሪካ እና የአውሮፓ ፖለቲከኞች ግፊት እያደረጉ እንደሆነ ነው የሚገለፀው።
የአሁኑ የእስራኤል እውቅና መስጠት በተለይ ሌሎች አገራት መሰል መንገድ እንዲከተሉ የሚያደፋፍር ሊሆን እንደሚችል ይጠበቃል።
ሶማሌላንድ ከቅኝ ግዛት በተናጠል ነፃ የወጣች ቢሆንም ከሱማልያ ጋር ነፃ በወጣች በቀናት ውስጥ እንድትተዳደር ሲደረግ ነበር።
ሆኖም ባለፈው 35 አመት በዴሞክራሲያዊ የስልጣን ሽግግር እና ከቀረው ሶማሌ በተለየ በተረጋገጠ ሰላማዊ ሁኔታ ራሷን ማስተዳደር ችላለች።@seco


