በኬንያ የገንዘብ ኖቶችን እንደ አበባ በመጠቅለልና በማጣበቅ ለስጦታ ማቅረብ በሕግ የሚያስቀጣ ተግባር መሆኑን የሀገሪቱ ማዕከላዊ ባንክ አስጠነቀቀ።
ባንኩ ሰኞ ዕለት ባወጣው መግለጫ፣ በተለይ በቫለንታይን ቀን አካባቢ የሚዘወተሩት እነዚህ የገንዘብ አበባዎች ኖቶቹን በማጠፍ፣ በመለጠፍና በስቴፕለር በመምታት የገንዘቡን ጥራት እንደሚያበላሹ ገልጿል።
ይህ ድርጊት የገንዘብ መቁጠሪያና የኤቲኤም (ATM) ማሽኖች ላይ ብልሽት ከመፍጠሩም በላይ፣ የተበላሹ ኖቶችን ለመተካት መንግሥትን ለተጨማሪ ወጪ እንደሚዳርግ ተመልክቷል።
በዚህ ተግባር ላይ ተሰማርተው የሚገኙ ግለሰቦችም የሀገሪቱን ገንዘብ በማርከስ ወንጀል ተከሰው እስከ ሰባት ዓመት በሚደርስ እስራት ሊቀጡ እንደሚችሉ ያሳሰበው ባንኩ፣ ሕዝቡ ገንዘብን ለስጦታነት ሲጠቀም የኖቶቹን ደኅንነት በማይነካ መልኩ እንዲሆን ጥሪ አቅርቧል።@SECO


