የአሜሪካ ዶላር መጠናከር እና የገበያ መዘግየት በዓለም አቀፍ የወርቅ ዋጋ ላይ የ2 በመቶ ቅናሽ አስከተለ

በዓለም አቀፍ ገበያ የወርቅ ዋጋ ማክሰኞ ዕለት (የካቲት 10፤2018 ዓ.ም.) ከ2 በመቶ በላይ ቅናሽ ማሳየቱ ተገለጠ። ለዚህ የዋጋ መቀነስ ዋነኛው ምክንያት የአሜሪካ ዶላር መጠናከር እና በዋና ዋና የዓለም ገበያዎች ላይ የታየው የንግድ ልውውጥ መቀዝቀዝ መሆኑ ተጠቁሟል።

 የወርቅ ዋጋ በአውንስ 4,898 ዶላር አካባቢ ዝቅ ብሎ የዋለ ሲሆን፣ ይህም ካለፈው ሳምንት ወዲህ የታየ ዝቅተኛው ዋጋ ሆኖ ተመዝግቧል።

በተለይም በቻይና እና በሌሎች የእስያ ሀገራት የጨረቃ አዲስ ዓመት በዓል በመከበሩ እንዲሁም በአሜሪካ የፕሬዝዳንቶች ቀን ዝግ በመሆኑ፣ በገበያው ላይ የሚታየው የንግድ ተሳትፎ አናሳ መሆኑ ለዋጋው መውረድ አስተዋጽኦ አድርጓል።

 ከዚህ በተጨማሪም፣ በአሜሪካ እና በኢራን መካከል የሚካሄደው የኒውክሌር ድርድር በጄኔቫ ዳግም መጀመሩ በጂኦ-ፖለቲካዊ ውጥረት ምክንያት የነበረውን ስጋት በማርገቡ፣ ወርቅ እንደ አስተማማኝ መጠለያ የነበረውን ፍላጎት በትንሹ እንዲቀንስ አድርጎታል።

የአሜሪካ ማዕከላዊ ባንክ ባለፈው ጥር ወር ያካሄደው ስብሰባ ቃለ-ጉባኤ ነገ ረቡዕ ይፋ ይሆናል ተብሎ የሚጠበቅ ሲሆን፣ ይህም ወደፊት ስለሚኖረው የወለድ መጠን አቅጣጫ ፍንጭ ይሰጣል ተብሎ ይጠበቃል።

በአሁኑ ወቅት በአሜሪካ የወለድ መጠን ይቀነሳል የሚለው ግምት ወደ ሰኔ ወር መገፋቱ ዶላር እንዲጠናከርና በዶላር የሚሸጡ እንደ ወርቅ ያሉ ማዕድናት ደግሞ ዋጋቸው እንዲቀንስ ማድረጉ ተመልክቷል።

ከወርቅ በተጨማሪ የብር፣ የፕላቲነም እና የፓላዲየም ዋጋም በተመሳሳይ መልኩ የቅናሽ አዝማሚያ አሳይተዋል።@SECO

Related

በኤሌክትሪክ የምትንቀሳቀስ የዓለማችን ግዙፏ የዕቃ ጫኝ መርከብ

ንብረትነቷ የቻይና የሆነችውና 10 ሺህ ቶን ጭነት የመሸከም አቅም...

ሰሊጥ 21 ሺህ ብር በመሸጥ ከፍተኛ ዋጋ አስመዘገበ

ዋጋው ከቀደመው አመት 20 በመቶ ጭማሪ ሊያሳይ ችሏል ባለፉት ጥቂት...

የዓለም እድገት ወደ 2.6 በመቶ ዝቅ እንደሚል ተተነበየ

በጄኔቫ ይፋ የሆነው የተባበሩት መንግሥታት የንግድና ልማት ድርጅት (አንክታድ)...

በኒውዚላንድ በታክስ ማጭበርበር የተከሰሰችው አዛውንት በኢትዮጵያ ደካማ ኢንተርኔት ማሳበቧ ተገለፀ

ከኒውዚላንድ እየመጡ የሚገኙ ዘገባዎች እንዳመላከቱት  ከሆነ ሄለን ፉአታሃ የተባለች...

የኢራን ጦርነት የኢኮኖሚ ውድቀትን እያባባሰ ነው

ነዳጅ እና ውሀ ማጣሪያዎች እየተደበደቡ ነው። የኢራን እና እስራኤል፣ አሜሪካ...

Popular Categories