የኢትዮጵያ ብሔራዊ ባንክ በጡረታ ፈንድ የሀብት ክምችት ላይ ስጋቱን ገለጸ

የኢትዮጵያ ብሔራዊ ባንክ ፣ የኢትዮጵያ የመንግሥትና የግል ዘርፍ ሠራተኞች ማኅበራዊ ዋስትና ተቋማት የያዙት የ529 ቢሊዮን ብር ሃብት በሀገሪቱ የፋይናንስ ሥርዓት ላይ “ሥር የሰደደ ስጋት” ሊፈጥር እንደሚችል አስጠነቀቀ።

ባንኩ እንዳመለከተው፣ የሁለቱ ተቋማት ጥሬ ገንዘብና ኢንቨስትመንት በአንድ ዓመት ውስጥ በ26 በመቶ በማደግ አጠቃላይ የፋይናንስ ሥርዓቱን 10 በመቶ የሚሆነውን ድርሻ መያዝ ችሏል።

ይሁን እንጂ ከዚህ ከፍተኛ ሃብት ውስጥ ከ80 በመቶ በላይ የሚሆነው በመንግሥት የግምጃ ቤት ሰነድ  ላይ ብቻ የዋለ መሆኑ፣ ተቋማቱ ከመንግሥት የፋይናንስ አቅም ጋር ያላቸውን ጥብቅ ቁርኝትና ተጋላጭነት የሚያሳይ መሆኑ ተገልጿል።

ይህ በመንግሥት የግምጃ ቤት ሰነድ ላይ የተመሠረተ የኢንቨስትመንት ክምችት፣ መንግሥት ዕዳውን የመክፈል አቅሙ ቢዳከም ወይም የዋጋ ግሽበት የገንዘቡን የመግዛት አቅም ቢሸረሽረው በሚሊዮን የሚቆጠሩ ኢትዮጵያውያን የጡረታ ቁጠባ አደጋ ላይ ሊወድቅ እንደሚችል ባንኩ በአጽንኦት ጠቁሟል።

መንግሥት ለሥራ ማስኬጃ የሚሆነውን ዝቅተኛ ወለድ ያለው ብድር የሚያገኘው ከእነዚህ የጡረታ ፈንዶች በመሆኑ፣ በመካከላቸው ያለው መዋቅራዊ መሳሳብ በማኅበራዊ ዋስትና ሥርዓቱ ላይ የሚፈጠር ማንኛውም መስተጓጎል በጠቅላላው የፋይናንስ ዘርፍ ላይ የሰንሰለት ተጽዕኖ ሊያሳርፍ እንደሚችል ተመላክቷል።

ብሔራዊ ባንክ ይህንን ስጋት ለመቆጣጠር በባንኮች ኢንቨስትመንት፣ በውጭ ባንኮች የፍቃድ አሰጣጥና መሰል ጉዳዮች ላይ አዳዲስ መመሪያዎችን በማውጣት የፋይናንስ ዘርፉን ቁጥጥር እያጠናከረ መሆኑን ገልጿል።@SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

Popular Categories