ኤርትራ በተባበሩት መንግሥታት ድርጅት የ81ኛው ጠቅላላ ጉባኤ ምክትል ፕሬዚዳንት ሆና ተመረጠች

በተባበሩት መንግሥታት ድርጅት ዋና መሥሪያ ቤት በተካሄደው 85ኛው የጠቅላላ ጉባኤ መደበኛ ስብሰባ ላይ ኤርትራ ለመጪው 81ኛው የጠቅላላ ጉባኤ ስብሰባ ምክትል ፕሬዚዳንት ሆና በአብላጫ ድምፅ ተመርጣለች።

የፊታችን መስከረም 2026 ዓ.ም. በይፋ በሚጀመረው በዚህ አዲስ የጉባኤ ዘመን፣ ኤርትራ ከሌሎች የዓለም ሀገራት ጋር በመሆን የተባበሩት መንግሥታት ድርጅትን ከፍተኛ መድረክ በምክትል ፕሬዚዳንትነት እንድትመራ ኃላፊነት ተጥሎባታል።

በዕለቱ በተካሄደው የድምፅ አሰጣጥ ሥነ-ሥርዓት ላይ ኤርትራን ጨምሮ ከአፍሪካ አህጉር ካቦ ቨርዴ፣ ግብፅ፣ ጋቦን፣ ጊኒ-ቢሳው እና ዚምባብዌ በምክትል ፕሬዚዳንትነት የተመረጡ ሲሆን፣ ከአፍጋኒስታን፣ ፊንላንድ፣ አየርላንድ እና ሊባኖስ ከመሳሰሉ የሌሎች ክፍለ-ዓለም ሀገራት ጋር በመሆን የጉባኤውን መሪነት በጋራ የሚረከቡ ይሆናል።

እነዚህ አዲስ ተመራጭ ምክትል ፕሬዚዳንቶች በየዓመቱ በቦታው የሚያገለግሉትን አምስቱን የፀጥታው ምክር ቤት ቋሚ አባላት (ቻይና፣ ፈረንሳይ፣ ሩሲያ፣ ዩናይትድ ኪንግደም እና አሜሪካ) በመቀላቀል የጠቅላላ ጉባኤውን ስብሰባዎች በሊቀመንበርነት ይመራሉ።

በዚሁ ዕለት በተካሄደው ታሪካዊ ምርጫ የባንግላዲሹ የውጭ ጉዳይ ሚኒስትር ካሊሉር ራህማን የ81ኛው ጠቅላላ ጉባኤ ፕሬዚዳንት ሆነው የተመረጡ ሲሆን፣ በቀጣዩ የሥራ ዘመን ዓለም አቀፍ ግጭቶችን መከላከል፣ የተቋማዊ ሪፎርም አፈፃፀም፣ የዘላቂ ልማት ግቦች እና የሰው ሠራሽ አስተዋፅዖ አስተዳደር ላይ በትኩረት እንደሚሰሩ አስታውቀዋል።

ኤርትራ በዚህ ወሳኝ ወቅት የጉባኤው ምክትል ፕሬዚዳንት ሆና መመረጧ፣ ሀገሪቱ በአፍሪካ ቀንድና በዓለም አቀፍ መድረኮች ያላትን ዲፕሎማሲያዊ ሚና ለማጠናከርና በቀጣናዊ የሰላምና ደህንነት ጉዳዮች ላይ ያላትን ድምፅ ይበልጥ ለማስደመጥ ከፍተኛ ዕድል እንደሚፈጥርላት የፖለቲካ ተንታኞች እየገለጹ ይገኛሉ።

የወጪዋ የ80ኛው ጉባኤ ፕሬዚዳንት አናሌና ባይርቦክ (ጀርመን) እና አዲሱ ተመራጭ ፕሬዚዳንት ካሊሉር ራህማን በቀጣዮቹ ሦስት ወራት የሽግግር ወቅት ሥራዎችን በጋራ እንደሚያከናውኑ ታውቋል።@seco

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

የኢትዮጵያ የሚዲያ ልህቀት ማዕከል ተመረቀ

“ከማገዳችን በፊት ከአምስቴ በላይ ማስጠንቀቂያ ሰጥተናል!” የመገናኛ ብዙኃን ባለስልጣን ያስመረቀው...

Popular Categories