የጀርመን አነስተኛ አርሶ አደሮች በገበያ ጫና ለኪሳራ እየተዳረጉ መሆኑ ተገለጸ

በበርሊን እየተካሄደ ያለውን 100ኛው ዓለም አቀፍ የ”አረንጓዴ ሳምንት” የግብርና ኤግዚቢሽን ተከትሎ በወጣ ጥናት፤ በጀርመን የሚገኙ አነስተኛ እና መካከለኛ አርሶ አደሮች ከሥራ ውጪ የመሆን አደጋ ተጋርጦባቸዋል።

ምንም እንኳን ላለፉት ጥቂት ዓመታት የሸማቾች የምግብ ዋጋ በ35 በመቶ ቢጨምርም፣ ይህ ገቢ ግን ወደ አርሶ አደሩ አልደረሰም።

 ለዚህም ዋነኛው ምክንያት አራት ግዙፍ የችርቻሮ ኩባንያዎች የአቅርቦት ሰንሰለቱን ተቆጣጥረው አርሶ አደሩ ዝቅተኛ ትርፍ ብቻ እንዲያገኝ ተጽዕኖ ማሳደራቸው ነው። በተጨማሪም የነዳጅ ዋጋ መናር እና የአውሮፓ ኅብረት ከደቡብ አሜሪካ አገራት ጋር የደረሰው የንግድ ስምምነት በጀርመን አርሶ አደሮች ላይ ከፍተኛ ስጋት ደቅኗል።

የአገሪቱ ፖለቲከኞችም ችግሩን ለመፍታት የተለያዩ ሐሳቦችን እያቀረቡ ይገኛሉ። ገዥው የሶሻል ዴሞክራት ፓርቲ መሠረታዊ ምግቦች በቅናሽ እንዲሸጡ ሐሳብ ቢያቀርብም፣ የግብርና ሚኒስትሩ አሎይስ ራይነር ግን “ምግብ በቅናሽ መሸጥ የለበትም” በሚል ውድቅ አድርገውታል።

 በሌላ በኩል እንደ ታፈል (Tafel) ያሉ የምግብ ባንኮች የሕዝቡን የገቢ አቅም ማሻሻል የተሻለ መፍትሔ እንደሆነ ይሞግታሉ። እስከ ጥር 17 ቀን 2018 ዓ.ም ድረስ በሚቆየው በዚህ ኤግዚቢሽን ላይ የዘመናዊ ቴክኖሎጂ እና የሰው ሠራሽ አስተውሎት (AI) በግብርናው ዘርፍ ያለውን ሚና የሚዳስሱ ምክክሮችም እየተካሄዱ ይገኛሉ።@SEECO

Related

በኤሌክትሪክ የምትንቀሳቀስ የዓለማችን ግዙፏ የዕቃ ጫኝ መርከብ

ንብረትነቷ የቻይና የሆነችውና 10 ሺህ ቶን ጭነት የመሸከም አቅም...

ሰሊጥ 21 ሺህ ብር በመሸጥ ከፍተኛ ዋጋ አስመዘገበ

ዋጋው ከቀደመው አመት 20 በመቶ ጭማሪ ሊያሳይ ችሏል ባለፉት ጥቂት...

የዓለም እድገት ወደ 2.6 በመቶ ዝቅ እንደሚል ተተነበየ

በጄኔቫ ይፋ የሆነው የተባበሩት መንግሥታት የንግድና ልማት ድርጅት (አንክታድ)...

በኒውዚላንድ በታክስ ማጭበርበር የተከሰሰችው አዛውንት በኢትዮጵያ ደካማ ኢንተርኔት ማሳበቧ ተገለፀ

ከኒውዚላንድ እየመጡ የሚገኙ ዘገባዎች እንዳመላከቱት  ከሆነ ሄለን ፉአታሃ የተባለች...

የኢራን ጦርነት የኢኮኖሚ ውድቀትን እያባባሰ ነው

ነዳጅ እና ውሀ ማጣሪያዎች እየተደበደቡ ነው። የኢራን እና እስራኤል፣ አሜሪካ...

Popular Categories