ጠቅላይ ሚንስትር ዐቢይ ‘ለስራ ጉብኝት’ ኤመሬትስ መግባታቸውን ተሰምቷል።
ኤመሬትስ በኢራን ጦርነት ሳቢያ ተከታታይ የአየር ጥቃት እያስተናገደች ሲሆን የአየር በረራ በስፋት ተቋርጧል።
በዚህ ወቅት ዐቢይ ወደ ሁነኛ ወዳጃቸው ኤመሬትስ መጓዛቸው የችግር ወቅት ድጋፋቸውን ለመግለፅ፣ እና በቀጠናው ግጭት ጉዳይ ለመምከር እንደሆነ ይጠበቃል።
ዐቢይ ከአቡዳቢ ጉዞአቸው አስቀድሞ ከጅቡቲ እና ከሱማሊያ ፕሬዝዳንቶች ጋር በጅቡቲ መክረዋል። ከአሜሪካ የውጪ ጉዳይ ሚንስትር ማርኮ ሩብዮ ጋርም በስልክ መክረዋል።
የአፍሪካ ቀንድ ለባህረ ሰላጤው ትኩሳት ቅርብ ሲሆን፣ ጦርነቱ ከቀጠለ እሳቱ በቀላሉ ሊዛመትበት ይችላል።
ኢትዮጵያ ሁኔታዎችን በማጤን በሳል የዲፕሎማሲ ውሳኔ እንደሚያሻት ግልፅ ነው።
እናም የጠቅላይ ሚንስትሩ ተከታታይ እንቅስቃሴ የዚህ አካል እንደሚሆን ይገመታል።@SECO


