የዓለም ባንክ በኢትዮጵያ የኤሌክትሪክ ኃይል ፕሮጀክት ላይ በተፈጸመ “የማጭበርበር ድርጊት” ምክንያት የፒ.ደብሊው.ሲ (PwC) ኩባንያዎችን አገደ

የዓለም ባንክ ግሩፕ በምስራቅ አፍሪካ የኃይል ትስስር ፕሮግራም ስር በሚተገበረው የኢትዮጵያ-ኬንያ የከፍተኛ ቮልቴጅ መስመር ዝርጋታ ፕሮጀክት ላይ “የተመሳጠረ እና የማጭበርበር ድርጊት” ፈጽመዋል ያላቸውን የፒ.ደብሊው.ሲ (PwC) ቅርንጫፍ ኩባንያዎች ለ21 ወራት ከማንኛውም የባንኩ ፕሮጀክቶች ማገዱን አስታውቋል።

በእገዳው የተመቱት በሞሪሸስ የሚገኘው ፒ.ደብሊው.ሲ አሶሺየትስ አፍሪካ፣ ፒ.ደብሊው.ሲ ኬንያ እና ፒ.ደብሊው.ሲ ሩዋንዳ ሲሆኑ፣ ውሳኔው የተላለፈው ኩባንያዎቹ እ.ኤ.አ. በ2019 በኢትዮጵያ የኤሌክትሪክ ኃይል እና በኢትዮጵያ ኤሌክትሪክ አገልግሎት የንብረት ግመታና የሂሳብ አያያዝ አማካሪነት ጨረታዎችን ለማሸነፍ በሚስጥር መያዝ ያለባቸውን የጨረታ መረጃዎች ካልተገባ መንገድ ማግኘታቸው በመረጋገጡ ነው።

ከዚህም በተጨማሪ ፒ.ደብሊው.ሲ አሶሺየትስ አፍሪካ በውል አፈጻጸም ወቅት የባለሙያዎችን ብቃት፣ ዝግጁነት እና የስራ ሁኔታ አስመልክቶ የተሳሳተ መረጃ ማቅረቡና ንዑስ ተቋራጮችን ሙሉ በሙሉ አለማሳወቁ በምርመራ ተደርሶበታል።

ይህ ድርጊት በባንኩ የአማካሪዎች መመሪያ መሠረት ከፍተኛ የሥነ-ምግባር ጥሰት ሆኖ ተመዝግቧል።

ሆኖም ኩባንያዎቹ ጥፋታቸውን አምነው በመቀበላቸው፣ የውስጥ ምርመራ በማካሄዳቸው እና ከባንኩ ጋር ለመተባበር በመስማማታቸው የእገዳው ጊዜ እንዲቀነስ ተደርጓል። ይህም ሆኖ የተጣለው እገዳ በሌሎች ዓለም አቀፍ የልማት ባንኮች ዘንድም ተፈጻሚነት ሊኖረው እንደሚችል ተገልጿል።

ይህ የኤሌክትሪክ መስመር ዝርጋታ ፕሮጀክት ኢትዮጵያ ለኬንያ ኃይል በመሸጥ የውጭ ምንዛሬ ገቢ እንድታገኝ እና ኬንያም የኤሌክትሪክ አቅርቦቷን በቅናሽ ዋጋ እንድታሳድግ ታስቦ የተዘረጋ ግዙፍ ቀጠናዊ ፕሮጀክት ነው። ኩባንያዎቹ ከእገዳው ለመፈታት በባንኩ የተቀመጡ የቅንነት እና የታማኝነት መመሪያዎችን ተግባራዊ ለማድረግ ቃል ገብተዋል።@SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

Popular Categories