“በሀገሪቱ የሚገኙ የመድህን ሰጪ ተቋማት ከቴክኖሎጂ ኃላ ቀርነት የተነሳ የህልዉና ስጋት ተደቅኖባቸዋል” ጥናት አመለከተ

በኢትዮጵያ የሚገኙ መድህን ሰጪ (ኢንሹራንስ) ኩባንያዎች ወቅቱ ለሚጠይቀው የዲጂታል ሽግግር ዝግጁ ባለመሆናቸው፣ አዲስ ወደ ዘርፉ እየገቡ ባሉ የቴክኖሎጂ ተቋማት (InsurTech) የመዋጥ አደጋ እንደተደቀነባቸው በቅርቡ የወጣ ጥናት አመለከተ።

የኢትዮጵያ መድህን ሰጪዎች ማህበር ፕሬዝዳንትና የኒያላ ኢንሹራንስ ዋና ስራ አስፈጻሚ ያሬድ ሞላ ባቀረቡት ጥናታዊ ሪፖርት መሠረት፣ የአገሪቱ የኢንሹራንስ ኢንዱስትሪ አሁንም በወረቀትና በእጅ በሚከናወኑ አሰልቺ ስራዎች ላይ የተመሰረተ መሆኑ ለዘርፉ ትልቅ ስጋት ሆኗል።

ደንበኞች በባንክ ዘርፍ የለመዱትን ፈጣንና በሞባይል የታገዘ አገልግሎት ከኢንሹራንስ ኩባንያዎች በማጣታቸው፣ ወደ ተሻሉ አማራጮች የመሄድ ዝንባሌ እያሳዩ መሆኑም በጥናቱ ተመልክቷል።

የዘርፉ መዘግየት ዋነኛ ምክንያቶች ተብለው ከተለዩት መካከል የአመራሮች ለቴክኖሎጂ ያላቸው ዝቅተኛ ትኩረት፣ ግልጽ የሆነ የዲጂታል ስትራቴጂ አለመኖርና የቁጥጥር ስርአቱ ለለውጥ የሚያደርገው ግፊት አናሳ መሆን ተጠቃሾች ናቸው ሲል የዘገበው ካፒታል ጋዜጣ ነዉ።

ዓለም አቀፉ የኢንሹራንስ ገበያ እንደ አርቲፊሻል ኢንተለጀንስ ያሉ ዘመናዊ ቴክኖሎጂዎችን ለፖሊሲ ሽያጭና ለካሳ ክፍያ እየተጠቀመ ባለበት በዚህ ወቅት፣ የኢትዮጵያ ኩባንያዎች ከነባራዊው አሰራር ካልወጡ የረጅም ጊዜ ህልውናቸውን ማረጋገጥ እንደማይችሉ አቶ ያሬድ አስጠንቅቀዋል።

በመሆኑም ኩባንያዎች ከቴክኖሎጂ ተቋማት ጋር በቅንጅት በመስራት፣ በቂ በጀት በመመደብና አሰራራቸውን በማዘመን ደንበኞቻቸውን ሊታደጉ እንደሚገባ ጥናቱ በአጽንኦት ማሳሰቢያ መስጠቱን ዘገባው አመልክቷል።@seco

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

የኢትዮጵያ የሚዲያ ልህቀት ማዕከል ተመረቀ

“ከማገዳችን በፊት ከአምስቴ በላይ ማስጠንቀቂያ ሰጥተናል!” የመገናኛ ብዙኃን ባለስልጣን ያስመረቀው...

Popular Categories