በአለምሰገድ እስጢፋኖስ
ባንኩ ያስመዘገበው ትርፍ ከአምናው ተመሳሳይ ወቅት ከ3 እጥፍ በላይ እንደሆነ ተጠቁሟል፡፡
አማራ ባንክ የ2018 በጀት ዓመትን በተቀመጡ የአፈጻጸም መለኪያዎች መሠረት አመርቂ ውጤቶችን በማስመዝገብ በስኬት ማጠናቀቁን አስታውቋል፡፡
ባንኩ በበጀት ዓመቱ በሃብት አሰባሰብ እና ብድር አቅርቦት፣ በትርፋማነት፣ በተቋማዊ አቅም ግንባታ፣ በደንበኛ አገልግሎት፣ በዲጂታል ባንኪንግ እና በገበያ ተደራሽነት ጠንካራ እድገቶችን እንዳስመዘገበ ገልጿል።
ባንኩ በበጀት ዓመቱ ከ2 ቢሊዮን ብር በላይ ያልተጣራ ትርፍ በማስመዝገብ፣ ከአምናው ተመሳሳይ ዓመት ጋር ሲነፃፀር ከ3 እጥፍ በላይ የትርፍ ዕድገት አስመዝግቧል።
በበርካታ ተግዳሮቶች ውስጥ ታልፎ የተመዘገበው ይህ ውጤት የባንኩን ጠንካራ የመፈጸም አቅም እና የአደጋ ስጋት አስተዳደር ስራዓት ብሎም የቦርዱን፣ የአመራሩን እና ሰራተኛውን ጥንከሰሬ፣ ትጋት እና ቁርጠኝነት ያሳየ እንደሁነ ተጠቁሟል።
ባንኩ ባለፉት አራት ዓመታት ውስጥ በመላ ሀገሪቱ ከ321 በላይ ቅርንጫፎችን በመክፈት እና ከ3 ሚሊዮን በላይ ደንበኞችን በማፍራት የፋይናንስ ተደራሽነቱን በማሳደግ በዘርፉ ተወዳዳሪ መሆን እንደቻለ ለቅዳሜ ገበያ በላከው መግለጫ አስታውቋል።
ባንኩ በ2019 በጀት ዓመትም የፋይናንስ አቅሙን በማሳደግ የላቀ እሴት ለመፍጠር በቁርጠኝነት እንደሚሠራ ነው የገለጸው።@seco


