የፋርስ ባህረ-ሰላጤ ጦርነት ለአንዱ ሲሳይ ለሌላው እዳ እየሆነ ነው

ዓለም በኢራን የአሜሪካ እና የእስራኤል ጦርነት ባስከተለው ወጪ ሲናጥ አንዳንድ ኩባንያዎች በምትኩ ከፍተኛ ትርፍ እያስመዘገቡ ነው።

በግጭቱ የተነሳው አለመረጋጋት እና ኢራን የሆርሙዝ የባህር ወሽመጥን በመዝጋቷ የኑሮ ውድነትን እየተባባሰ ባለበት በአሁኑ ወቅት አንዳንድ ኩባንያዎች ትርፋማ እንደሆኑ የሚወጡ ዘገባዎች እያሳዩ ነው።

የመካከለኛው ምስራቅ ግጭት ለአውሮፖ ነዳጅና ጋዝ አቅራቦ ኩባንያዎች ሲሳይ ይዞ መጥቷል ሲል ዘገባ ያወጣው ቢቢሲ ነው።

በጦርነቱ እስካሁን ድረስ ትልቁ ኢኮኖሚያዊ ተጽእኖ የኢነርጂ ዋጋ መጨመር ነው።

የእንግሊዙ የነዳጅ ድርጅት ቢፒ በዓመቱ የመጀመሪያዎቹ ሶስት ወራት ውስጥ ትርፍ ከእጥፍ በላይ ወደ 3.2 ቢሊዮን ዶላር መድረሱን አስታውቋል።

በተመሳሳይ ሼል በመጀመሪያው ሩብ ዓመት የትርፍ መጠኑ ወደ 6.92 ቢሊዮን ዶላር ከፍ ብሏል።

ሌላኛው ዓለም አቀፍ ግዙፍ ኩባንያ ቶታልኢነርጂስ በነዳጅ እና በኢነርጂ ገበያዎች ላይ በሚታየው ተለዋዋጭነት ምክንያት ትርፉ በ2026 የመጀመሪያ ሩብ ዓመት በአንድ ሶስተኛ ከፍ ብሏል፣ ይህም ትርፉ ወደ 5.4 ቢሊዮን ዶላር ከፍ ማለቱን ነው የገለጸው።

በፋይናንስ ዘርፉ ደግሞ ባንኮች በኢራን ጦርነት ወቅት ትርፋቸው ጨምሯል።

ጄፒ ሞርጋን በ2026 የመጀመሪያዎቹ ሶስት ወራት ውስጥ ሪከርድ የሆነ 11.6 ቢሊዮን ዶላር ገቢ በማስመዝገብ ባንኩ በአጠቃላይ በየሩብ ዓመቱ ሁለተኛውን ከፍተኛ ትርፍ ማግኘት እንደቻለ አስታውቋል።

በቀሪዎቹ ስድስት ትላልቅ ባንኮች (ባንክ ኦፍ አሜሪካ፣ ሞርጋን ስታንሊ፣ ሲቲግሩፕ፣ ጎልድማን ሳችስ እና ዌልስ ፋርጎ እንዲሁም ጄፒ ሞርጋንን) ጨምሮ – ትርፉ በሙሉ በዓመቱ የመጀመሪያ ሩብ ዓመት በከፍተኛ ሁኔታ ጨምሯል።

በአጠቃላይ፣ ባንኮቹ በ2026 የመጀመሪያዎቹ ሶስት ወራት ውስጥ 47.7 ቢሊዮን ዶላር ትርፍ እንዳገኙ ሪፖርት አድርገዋል።@seco

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

Popular Categories