የኢትዮጵያ አርብቶአደሮች ፈተና..

በቢሊዮኖች የሚቆጠር የልማት በጀት ቢመደብም፣ የመቋቋም አቅም ግን ለምን አልተሻሻለም?



በኢትዮጵያ አርብቶ አደር አካባቢዎች ለዓመታት በሚሊዮን የሚቆጠር ዶላር ከለጋሽ ድርጅቶች እና ከመንግስት ካፒታል በጀት ቢፈስም፣ የህብረተሰቡ የኑሮ ሁኔታ እና ለድርቅ ያላቸው የመቋቋም አቅም ግን በሚጠበቀው ደረጃ አልተሻሻለም። ይህ ሁኔታ በልማት ስራዎች ውጤታማነት ላይ ትልቅ ጥያቄ አስነስቷል።



ለአስርተ ዓመታት በአርብቶ አደር አካባቢዎች የምግብ ዋስትናን፣ የእንስሳት ጤናን፣ የውሃ መሰረተ ልማትን እና የአየር ንብረት መላመድን ለማሻሻል ከፍተኛ በጀት ተመድቧል። ይሁን እንጂ፣ ከፖሊሲ አውጪዎች እና የዘርፉ ባለሙያዎች የተገኘው መረጃ እንደሚያሳየው፣ “በአርብቶ አደሩ ስም የሚንቀሳቀሰው ግዙፍ በጀት” እና በምድር ላይ ያለው ነባራዊ ሁኔታ እጅግ የተራራቁ ናቸው።



የኢትዮጵያ አርብቶ አደሮች ፎረም ዋና ሥራ አስፈጻሚ አቶ ተዘራ ጌታሁን እንደተናገሩት፣ የፕሮጀክቶች ወይም የፖሊሲዎች ስኬት መለኪያ መሆን ያለበት የጠፋው ገንዘብ መጠን ሳይሆን፣ ህብረተሰቡ በባለብዙ ልኬት የድህነት መረጃ ጠቋሚ ምን ያህል ተሻሽሏል እና ለድርቅ ያለው የመቋቋም አቅም ምን ያህል አድጓል የሚለው ነው።



እነዚህ ባለሞያዎች እንደሚሉት፣ “አስገራሚ እና ግዙፍ በጀት በመንግስት፣ በለጋሾች እና በኤንጂኦዎች ይመደባል።



ነገር ግን መለኪያው ምንድነው? መለኪያው የአርብቶ አደሩ የኑሮ ሁኔታ መሆን አለበት። ሆኖም፣ ድህነትን እና ለድርቅ ያላቸውን ተጋላጭነት ስንመለከት፣ እነዚህ ሁሉ ሀብቶች የት ደረሱ? የሚል መሰረታዊ ጥያቄ መነሳት አለበት” ሲሉ አስረድተዋል።



ካፒታል ባለሙያዎችን ዋቢ አድርጎ እንደዘገበዉ፣ አሁን ያለው “ከላይ ወደ ታች” ቸወረደ የልማት አቀራረብ ከአርብቶ አደሮች ተንቀሳቃሽ አኗኗር ጋር አይጣጣምም።



በዚህም ምክንያት የተገነቡ መሰረተ ልማቶች ፕሮጀክቱ እንዳለቀ ስራ ይፈታሉ። በተጨማሪም፣ የአየር ንብረት ለውጥ ተጽዕኖዎች እየከፉ መምጣታቸው የአርብቶ አደሩን የመቋቋም አቅም ፈተና ላይ ጥሎታል።seco

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

የአዲስ አበባ ከተማ አስተዳደር 220 ቦታዎች የሊዝ ጨረታ አወጣ

​የአዲስ አበባ ከተማ የመሬት ልማትና አስተዳደር ቢሮ በዘጠኝ ክፍለ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

ኢትዮ ቴሌኮም ሦስት ምክትል ዋና ሥራ አስፈጻሚዎችን ሾመ

አዲስ መዋቅር አስተዋውቋል የኢትዮ ቴሌኮም ሦስት ምክትል ዋና ሥራ አስፈጻሚ...

Popular Categories