ደካማ የኢኮኖሚ ዕድገት መመዝገቡን ተከትሎ የጃፓን የን የምንዛሬ ዋጋ ዝቅ አለ

የጃፓን የኢኮኖሚ ዕድገት ከሚጠበቀው በታች መሆኑን የሚያሳዩ መረጃዎች ይፋ መደረጋቸውን ተከትሎ፣ የጃፓን የን የምንዛሬ ዋጋ ከአሜሪካ ዶላር አንጻር ቅናሽ አሳየ።

ባለፈው ሳምንት ጠቅላይ ሚኒስትር ሳናኤ ታካይቺ በምርጫ ማሸነፋቸውን ተከትሎ የ3 በመቶ ከፍተኛ ጭማሪ አሳይቶ የነበረው የን፣ ሰኞ ዕለት በ0.4 በመቶ ዝቅ ብሎ አንድ ዶላር በ153.32 የን ሲመነዘር ውሏል።

ለዚህ የዋጋ መቀነስ በዋነኝነት የተጠቀሰው የጃፓን ኢኮኖሚ ባለፈው ሩብ ዓመት የ0.2 በመቶ አነስተኛ ዕድገት ብቻ ማስመዝገቡ ነው።

የጃፓን ማዕከላዊ ባንክ ገዥ ካዙኦ ኡኢዳ እና ጠቅላይ ሚኒስትር ታካይቺ ሰኞ ዕለት ለመጀመሪያ ጊዜ ተገናኝተው በኢኮኖሚው ሁኔታ ላይ የተወያዩ ቢሆንም፣ ጠቅላይ ሚኒስትሯ በወለድ መጠን ፖሊሲ ላይ ያቀረቡት የተለየ ጥያቄ አለመኖሩ ታውቋል።

ማዕከላዊ ባንኩ በታህሳስ ወር ወለድን ወደ 0.75 በመቶ ከፍ ማድረጉ ቢታወስም፣ አሁንም ከሌሎች ያደጉ ሀገራት አንጻር ዝቅተኛ በመሆኑ የን በዓለም አቀፍ የገንዘብ ገበያ ላይ ተዳክሞ እንዲቆይ አድርጎታል።

በሌላ በኩል፣ የአሜሪካ ዶላር በዓለም አቀፍ ገበያ መረጋጋት ያሳየ ሲሆን፣ ባለፈው ሳምንት የወጣው የአሜሪካ የሸማቾች ዋጋ መረጃ የዋጋ ግሽበት እየቀነሰ መሆኑን በማሳየቱ የአሜሪካ ማዕከላዊ ባንክ በቅርቡ የወለድ መጠን ቅናሽ ያደርጋል የሚለው ግምት አይሏል።

 በአሁኑ ወቅት በአሜሪካ እና በተለያዩ የእስያ ሀገራት በበዓላት ምክንያት ገበያዎች ዝግ በመሆናቸው፣ የንግድ ልውውጡ አነስተኛ እንደነበር ተገልጿል። በተመሳሳይ ዜና ዩሮ በ1.18 ዶላር፣ የእንግሊዝ ፓውንድ ደግሞ በ1.36 ዶላር አካባቢ ተመንዝረው ውለዋል።@SECO

Related

በኤሌክትሪክ የምትንቀሳቀስ የዓለማችን ግዙፏ የዕቃ ጫኝ መርከብ

ንብረትነቷ የቻይና የሆነችውና 10 ሺህ ቶን ጭነት የመሸከም አቅም...

ሰሊጥ 21 ሺህ ብር በመሸጥ ከፍተኛ ዋጋ አስመዘገበ

ዋጋው ከቀደመው አመት 20 በመቶ ጭማሪ ሊያሳይ ችሏል ባለፉት ጥቂት...

የዓለም እድገት ወደ 2.6 በመቶ ዝቅ እንደሚል ተተነበየ

በጄኔቫ ይፋ የሆነው የተባበሩት መንግሥታት የንግድና ልማት ድርጅት (አንክታድ)...

በኒውዚላንድ በታክስ ማጭበርበር የተከሰሰችው አዛውንት በኢትዮጵያ ደካማ ኢንተርኔት ማሳበቧ ተገለፀ

ከኒውዚላንድ እየመጡ የሚገኙ ዘገባዎች እንዳመላከቱት  ከሆነ ሄለን ፉአታሃ የተባለች...

የኢራን ጦርነት የኢኮኖሚ ውድቀትን እያባባሰ ነው

ነዳጅ እና ውሀ ማጣሪያዎች እየተደበደቡ ነው። የኢራን እና እስራኤል፣ አሜሪካ...

Popular Categories