የተባበሩት አረብ ኤምሬትስ ከኦፔክ መልቀቋን አስታወቀች

የተባበሩት አረብ ኤምሬትስ (UAE) ከግማሽ ክፍለ ዘመን በላይ አባል ሆና የቆየችበትን የነዳጅ ላኪ አገራት ድርጅት (ኦፔክ) መልቀቋን ዛሬ ማክሰኞ ያስታወቀች ሲሆን፣ ውሳኔው በባህረ ሰላጤው አካባቢ ከኢራን ጋር ያለው ውጥረት በጨመረበትና የነዳጅ ዋጋ ዳግም ማሻቀብ በጀመረበት ወቅት መምጣቱ ዓለም አቀፉን የኢነርጂ ገበያ በእጅጉ አስደንግጧል።

ከሳውዲ አረቢያ እና ከኢራቅ በመቀጠል በድርጅቱ ውስጥ ሦስተኛዋ ግዙፍ ነዳጅ አምራች የሆነችው ኤምሬትስ ከኦፔክ መውጣቷ፣ ወደፊት የምርት ገደብ ስለማይኖርባት የነዳጅ ምርቷን በከፍተኛ ደረጃ ለማሳደግ መዘጋጀቷን የሚያሳይ ግልጽ ምልክት ተደርጎ ተወስዷል።

ይሁን እንጂ የሆርሙዝ ባህር ሰርጥ በመዘጋቱ ምክንያት ይህን የጨመረ ምርት በፍጥነት ወደ ዓለም ገበያ ለማድረስ ፈተና ሊገጥማት እንደሚችል ቢገመትም፣ የአገሪቱ ብሔራዊ የዜና አገልግሎት ግን ኤምሬትስ ከኦፔክ ብትወጣም በገበያው ፍላጎት ላይ በመመስረት ምርቷን በኃላፊነትና በደረጃ እንደምትጨምር ገልጿል።

ይህንን የኤምሬትስ ውሳኔና ከኢራን ጋር ያለው የሰላም ንግግር መቋረጥን ተከትሎ፣ የነዳጅ ዋጋ በከፍተኛ ሁኔታ የናረ ሲሆን የአሜሪካ ድፍድፍ ነዳጅ (WTI) ከሚያዝያ 10 ወዲህ ለመጀመሪያ ጊዜ የ100 ዶላር ጣራን ሰብሮ በመውጣት 102 ዶላር ደርሷል፤ በተመሳሳይ የብሬንት ነዳጅ ዋጋም ወደ 113 ዶላር አሻቅቧል።

እ.ኤ.አ. በ1971 ድርጅቱን የተቀላቀለችው ኤምሬትስ አሁን የወሰደችው እርምጃ የኦፔክን የገበያ የበላይነት ሊያዳክመው እንደሚችል የተሰጋ ሲሆን፣ በተለይም በአሜሪካና በኢራን መካከል ያለው ዲፕሎማሲያዊ አለመረጋጋት ለነዳጅ አቅርቦት ሰንሰለቱ ስጋት መሆኑ ቀጥሏል።@SECO

Related

አምባሳደር ብርሃኑ ፀጋዬ እና ከፍተኛ የመንግስት የስራ  ሀላፊዎች ከኢትዮጵያ ባህር ትራንስፖርትና ሎጂስቲክስ አገልግሎት ድርጅት ሀላፊነታቸው ተነሱ

ድርጅቱን በቦርድ ሊቀመንበርነት ሲመሩት የነበሩት አምባሳደር ብርሃኑ ፀጋዬ፣ምክትል  ሰብሳቢ...

በኢትዮጵያ ኢንቨስትመንት ሆልዲንግስ የተሰጠው የእገዳ መመሪያ ውዝግብ አስነሳ​​

በኢትዮጵያ የሰራተኞች ማህበራት ኮንፌዴሬሽን (ኢሰማኮ) እና በኢትዮጵያ ኢንቨስትመንት ሆልዲንግስ...

የኢትዮጵያ ንግድ ባንክ ሠራተኞች የሦስት እርከን የደመወዝ ጭማሪ በኢትዮጵያ ኢንቨስትመንት ሆልዲንግስ ጸደቀ

የሀገሪቱ ግዙፉ መንግሥታዊ የፋይናንስ ተቋም የሆነው የኢትዮጵያ ንግድ ባንክ...

አዳማ  የፈጣን ስማርት የኤሌክትሪክ መኪና ባትሪ መሙያ  ተጠቃሚ  ሆነች

በአለምሰገድ እስጢፋኖስ ኢትዮ ቴሌኮም በዛሬው ዕለት ለመጀመሪያ ጊዜ ከአዲስ አበባ...

የኢትዮጵያ የሚዲያ ልህቀት ማዕከል ተመረቀ

“ከማገዳችን በፊት ከአምስቴ በላይ ማስጠንቀቂያ ሰጥተናል!” የመገናኛ ብዙኃን ባለስልጣን ያስመረቀው...

Popular Categories